1442 йил 11 рабиъул аввал | 2020 йил 28 октябрь, чоршанба
Минтақа:
ЎЗ UZ RU EN
Тафсири ҳилол

1 - 1. Ҳамд оламларнинг Робби – Аллоҳгадир

18:05 / 20.03.2017 2233 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

АЪУУЗУ БИЛЛААҲИ МИНАШ ШАЙТОНИР РОЖИЙМ

Қувилган шайтон ёмонлигидан Аллоҳнинг паноҳини сўрайман.

Шайтон Аллоҳга исён қилиб, Одам Атога сажда қилмай, гуноҳкор бўлгани учун Аллоҳ уни лаънатлаган, ҳузуридан қувган ва раҳматидан узоқ қилган. Мазкур маъноларнинг барчаси «рожийм» сўзида ўз ифодасини топган. Аллоҳ таоло Қуръони Каримда:

«Агар Қуръон ўқисанг, шайтонир рожийм ёмонлигидан Аллоҳнинг паноҳини сўрагин», – деган.

Шунинг учун ҳар бир Қуръон ўқувчи киши қироатни «Аъуузу биллаҳи минаш шайтонир рожийм» билан бошламоғи лозим, акс ҳолда гуноҳкор бўлади.


Роҳман ва Роҳийм Аллоҳнинг номи ила (бошлайман).

Аллоҳ таоло Ўз Китобини «Бисмиллаҳ» билан бошлагани мусулмонларга ўрнакдир, яъни улар ҳам ўз сўзларини ва ишларини доимо «Бисмиллаҳ» билан бошламоқлари лозим.

Набий алайҳиссалом ўз ҳадисларидан бирида:

«Эътиборли ҳар бир иш «Бисмиллаҳ» билан бошланмас экан, унинг охири кесикдир», – деганлар. Яъни унинг баракаси бўлмайди, охирига етмайди.

الْحَمْدُ للّهِ رَبِّ الْعَالَمِينَ۝

1. Ҳамд оламларнинг Робби – Аллоҳгадир.

«Барча мақтов, шукрлар оламларнинг тарбиячиси Аллоҳга бўлсин».

Оламларни яратгани учун ҳам, уларнинг тарбиячиси бўлгани учун ҳам, улардаги барча жонзотларга ҳаёт, ризқ-рўз берувчи бўлгани учун ҳам Аллоҳ барча ҳамду саноларга сазовордир.

(Фотиҳа сураси, 1-оят)

Муаллиф
islom.uz
Мавзуга оид мақолалар
Бас, Одам Роббидан сўзларни қабул қилиб олди, кейин У Зот унинг тавбасини қабул қилди. Албатта, У тавбани кўплаб қабул қилувчидир, ўта раҳмлидир. Бақара давоми...

1634 10:10 / 18.08.2017
Улар ўзларига мусибат етганда .Албатта, биз Аллоҳникимиз ва албатта, биз Унга қайтувчимиз,, ndash деганлардир. Бақара 156. Катта масъулият қийинчиликларини кўтара олиш давоми...

2818 08:50 / 23.12.2017
Аҳли китоблардан бўлган кофирлар ҳам, мушриклар ҳам сизларга Роббингиздан яхшилик нозил қилинишини истамаслар. Ҳолбуки, Аллоҳ Ўз раҳматини хоҳлаган кишисига хос давоми...

1898 12:03 / 01.11.2017
Сизга уруш қилаётганларга қарши Аллоҳнинг йўлида уруш қилинг ва тажовузкорлик қилманг. Албатта, Аллоҳ тажовузкорларни севмас. Бақара 190. Аллоҳ таоло ушбу оятда давоми...

1678 09:05 / 28.01.2018
Топ рейтинг www.uz Openstat