1446 йил 27 шаввол | 2025 йил 25 апрель, жума
Минтақа:
Тошкент
ЎЗ UZ RU EN
Тафсир

Қуръон ер юзида ҳақ қарор топиши учун нозил қилинди

19:00 / 03.09.2024 766 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Аллоҳ таоло шундай марҳамат қилади:

ﯮ ﯯ ﯰ ﯱ ﯲ ﯳ ﯴ ﯵ ﯶ ﯷ

«Бас, уларни ердан қўзғатиб, чиқармоқчи бўлди. Шунда уни ва у билан бирга бўлганларни жамлаб, ғарқ қилдик» (Исро сураси, 103-оят).

Фиръавн Мусо алайҳиссаломни ва у кишининг қавмлари Бану Исроилни Миср еридан қўзғатиб, чиқармоқчи бўлди. Шунда Аллоҳ таоло Фиръавнни ва унинг қавмини жамлаб, денгизга ғарқ қилди. Ҳаммалари ҳалок бўлдилар.

ﯸ ﯹ ﯺ ﯻ ﯼ ﯽ ﯾ ﯿ ﰀ ﰁ ﰂ ﰃ ﰄ ﰅ ﰆ

«У(Фиръавн)дан сўнг Бану Исроилга: «Мана шу ерни маскан тутинглар. Бас, охират ваъдаси келган чоғида, ҳаммангизни тўплаб, келтирамиз», – дедик» (Исро сураси, 104-оят).

Фиръавн ва унинг қавми ҳалок бўлди. Қилмишларига яраша жазоларини олдилар. Аммо ораларингизда турли гаплар, ишлар ўтган эди. Уларнинг ҳам ҳисоб-китоби бўлиши керак эди. Ҳозирча бу нарса бўлмай қолди.

Эй Бану Исроил:

«Мана шу ерни маскан тутинглар».

Шу ерда яшаб тураверинглар, вақти-соати етиб,

«…охират ваъдаси келган чоғида, ҳаммангизни тўплаб, келтирамиз».

Қиёмат қоим бўлганида, ҳаммангизни – сизни ҳам, Фиръавн ва унинг қавмини ҳам тўплаб, келтирамиз. Ўшанда ҳисоб-китоб бўлаверади».

Кейинги оятларда яна Қуръонни улуғлашга ўтилади:

ﭑ ﭒ ﭓ ﭔﭕ ﭖ ﭗ ﭘ ﭙ ﭚ ﭛ

«Уни ҳақ ила нозил қилдик ва ҳақ ила нозил бўлди. Сени фақат хушхабар берувчи ва огоҳлантирувчи этиб юбордик, холос» (Исро сураси, 105-оят).

Яъни «Қуръонни Биз ҳақ ила нозил қилдик. Қуръон ер юзида ҳақ қарор топиши учун нозил қилинди. Энг улкан ҳақ – Аллоҳнинг тавҳиди Қуръон ила қарор топди. Шунингдек, бошқа ҳақлар ҳам Қуръон ила ер юзида қарор топди».

«...ва ҳақ ила нозил бўлди».

Яъни Қуръонда келган ҳамма нарсалар – буйруқлар, қайтаришлар, ҳукмлар, эслатмалар, кўрсатмалар, хабарлар – ҳамма-ҳаммаси ҳақдир.

«Сени фақат хушхабар берувчи ва огоҳлантирувчи этиб юбордик, холос».

Яъни «Эй Муҳаммад, Биз сени иймон келтириб, ибодат ва яхши амалларни қилувчиларга жаннат ҳамда унинг олий даражалари-ю, битмас-туганмас неъматларининг хушхабарини берувчи қилиб ва куфр, нифоқу исён соҳибларини дўзах азобидан огоҳлантирувчи этиб юбордик».

«Тафсири Ҳилол» китоби асосида тайёрланди

 

Муаллиф
Шайх Муҳаммад Содиқ Муҳаммад Юсуф
Манба
islom.uz
Мавзуга оид мақолалар
Аллоҳ таоло Қуръони Каримда шундай марҳамат қилади Эй иймон келтирганлар Агар китоб берилганлардан бир гуруҳига итоат қилсангиз, иймонингиздан кейин давоми...

2496 19:30 / 16.11.2021
Аллоҳ таоло Мулк сурасида шундай марҳамат қилади Ва сўзингизни сир тутасизми ёки ошкора айтасизми, албатта, У кўкслардагини ҳам ўта билувчидир. Мулк сураси, давоми...

4102 09:05 / 12.09.2019
Аллоҳ таоло шундай марҳамат қилади .Ёки олтиндан безалган уйинг бўлмагунича, ёхуд осмонга кўтарилмагунингча, ўша кўтарилишингга ҳам, токи биз ўқишимиз учун китоб давоми...

948 19:00 / 30.07.2024
.Нуҳдан сўнг қанчаданқанча асрларни ҳалок қилдик. Бандаларининг гуноҳларидан хабардор бўлиш ва уларни кўришда Роббинг Ўзи кифоя қилур, Исро сураси давоми...

1432 19:00 / 23.01.2024