1445 йил 13 шаввол | 2024 йил 22 апрель, душанба
Минтақа:
ЎЗ UZ RU EN
Пайғамбарлар қиссаси

Пайғамбаримиз соллаллоҳу алайҳи васалламнинг болаларга меҳрлари

12:53 / 28 февраль 1841 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Питсбург университети томонидан олиб борилган тадқиқотда маълум бўлишича, болага (13 ёшгача) бақириш ва унга танбеҳ бериш боладаги ҳиссий мувозанатни бузади, тажовузкор хатти-ҳаракатларни ривожлантиради, ғазаб ва катта эҳтимол билан келажакда муваффақиятсизлик ҳиссини уйғотади.


Мутахассислар бола билан мулоқот қилиш, уни тушуниш, насиҳат қилиш ва оғзаки қўполликдан узоқ ҳолда унга ўргатиш, унинг муаммоларини аниқлашга ҳаракат қилиш зарурлигини маслаҳат беришмоқда. Ахир буларнинг барчаси бундан ўн тўрт аср аввал севикли Пайғамбаримиз соллаллоҳу алайҳи васалламнинг биз умматларига айтган тавсиялари, қўллаган услублари эмасми?!


Пайғамбаримиз соллаллоҳу алайҳи васаламнинг ёш Ибн Аббос розияллоҳу анҳумога қилган насиҳатлари, муомалаларида меҳр ва мулойимликни кўрамиз.


Ибн Аббос розияллоҳу анҳудан ривоят қилинади:
«Бир куни Набий алайҳиссаломнинг ортларида (мингашиб кетаётган) эдим. Бас, у зот:
«Эй ғулом! Мен сенга калималарни ўргатаман. Аллоҳни (амрини) муҳофаза қилгин, У Зот сени муҳофаза қилади. Аллоҳни(нг амрини) муҳофаза қилгин, У Зотни рўпарангда топасан. Қачон сўрасанг, Аллоҳдан сўра. Қачон кўмак истасанг, Аллоҳдан кўмак иста. Ва билки, агар бутун уммат сенга бирор нарсада манфаат бериш учун жамланса ҳам Аллоҳ сенга ёзган нарсадан бошқа манфаатни бера олмаслар. Агар уларнинг ҳаммаси сенга бирор нарсада зарар етказиш учун жамланса ҳам Аллоҳ сенга ёзган нарсадан бошқа зарарни етказа олмаслар. Қаламлар кўтарилди ва саҳифалар қуриди», дедилар».
Термизий ривоят қилган.


Бу сўзларда бола қалбида ишонч уйғотиш орқали воқеликка қандай муносабатда бўлишни англаб етиши учун юксак меҳр, унинг идрокини кенгайтириш, унинг муаммоларини илмий йўл билан ечиш фазилатлари бор. Бу Аллоҳнинг раҳмати бўлиб, шундай меҳрибон, ҳатто болаларга ҳам меҳрини кўрсатадиган улуғ Пайғамбар соллаллоҳу алайҳи васалламни бизга набий, расул қилиб юборди. Хўш, эй Ғарб олимлари, бу раҳм-шафқатли таълимотларга нисбатан сизлар қандай муносабатдасизлар?!


Абдуддоим Каҳел мақоласидан Нозимжон Ҳошимжон тайёрлади

Манба
islom.uz
Мавзуга оид мақолалар
Қуръони Каримда Айюб алайҳиссаломнинг номлари тўрт сурада тўрт марта зикр қилинган. Бу суралар Нисо, Анъом, Анбиё ва Сод сураларидир.У ЗОТНИНГ НАСАБЛАРИУ зот Айюб давоми...

24454 15:49 / 28.04.2017
Аллоҳ таоло Шуайбнинг исмларини Қуръон Каримда ўн марта келтирган. У зот алайҳиссалом Аъроф, Ҳуд, Шуаро ва Анкабут сураларида зикр қилинганлар.У зотнинг давоми...

11273 15:52 / 28.04.2017
Қуръони Каримда номлари кўп зикр қилинган пайғамбарлардан бири Нуҳ алайҳиссаломдирлар. У зот каломи илоҳийда қирқ уч жойда эсга олинганлар. Нуҳ алайҳиссаломнинг давоми...

41629 15:53 / 28.04.2017
биринчи мақолаОналарининг қорнида 2 ойлик бўлганларида оталаридан айрилдилар.Таваллуд топгач, бир муддат оналари билан яшаб, кейин Ҳалима онамизнинг уйларига давоми...

1766 14:00 / 03.03.2022
Аудиолар

120253 11:58 / 10.10.2018
«Ҳилол» журнали
Китоблар

41904 14:35 / 11.08.2021