1445 йил 6 шаввол | 2024 йил 15 апрель, душанба
Минтақа:
ЎЗ UZ RU EN
Гуноҳи кабиралар

Бадназарлик баракани кетказади

14:59 / 28.12.2023 1936 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Ҳаромга назар инсоннинг қалби ва ақлини бузади. Ҳатто у ўзининг фойда зарарини фарқламай қолади.

Уйида гўзал аёли бўлишига қарамасдан, нафси ҳалолига майл билдирмайди, хушламайди.

Арзимаган нарсалар учун у ила тортишади. Уйида тинчлик йўқолади. Кўзи бетийиқ эркаклар бепарда аёлларга очкўзлик ила қарайди.

Худди овчи ит овига қарагани каби. Кўпинча, унинг нафси ишлашни ёқтирмайди. Агар талаба бўлса, қишдан бошқа ҳамма нарса ёқади. Агар тижоратчи бўлса, бизнесдан безор бўлади. Маъшуқасини соатлаб ўйлайди, ухлаганга ўхшаб ётади, лекин хотиржам ухлай олмайди. Чунки хаёли маҳбубасининг уйи билан банд. Ҳаётига энди ором ва хотиржамлик бегона.

Бадназарлик хорликдир

Шайх Воситий раҳматуллоҳи алайҳ шундай дер эдилар: «Қачон Аллоҳ таоло бир инсонга хорлик ва расволикни истаса, уни гўзал чеҳраларга қараш одатига мубтало қилиб қўяди».

Бундан маълум бўлдики, бадназарлик хорлик ва расволикнинг асосий сабабидир. Нигоҳларини пастга қаратадиган бахтиёр одамлар жуда катта офат ва мусибатлардан омондадирлар.

Бадназарлик зулматдир

Бадназарлик шундай гуноҳки, унинг таъсирида барча тоатларнинг нури кетади. Шунинг учун унинг муолажасига диққат қилиш лозим. Аҳли кашф шундай ёзганлар: «Бадназарлик ила кўзларда шундай зулмат пайдо бўладики, озгина басийрати бор одам унинг назари нопок эканини билиб олади».

Бадназар одам ҳақни ботилдан ажратолмай қолади.

Бадназарликнинг яна бир катта офати ҳақ нима, ботил нима, суннат нима, бидъат нима – инсон фарқламай қолади. Ҳақ ва ботил, суннат ва бидъатни танишдан ақл маҳрум бўлади.

Қалб нури тортиб олинади. Шундан кейин инсон дин илмлари ва маърифатларидан маҳрум бўла бошлайди. Гуноҳ ишига баҳоналар топади. Қилмишлари енгил кўринади. Аста-секин Бадназарлик ва зинодан сақланиш шайтон унинг эътиқодида шак-шубҳалар пайдо қилади. Яхши одамларга нисбатан бадгумонликка кўмилади. Ҳатто унда диндор одамларга нафрат пайдо бўлади. Ботилда бўла туриб ўзини ҳақ деб билади ва охир-оқибат иймондан маҳрум бўлиб, жаҳаннамга йўл олади. Аллоҳ сақласин!

Бадназарлик баракани кетказади

Бадназарлик инсоннинг ҳаётидан, ризқидан, вақтидан баракани кўтаради. Кичик-кичик ишлар катта муаммоларга айланади. Қайси ишни бошласа, минг ҳаракат қилмасин, чала қолиб кетади. Сиртдан қараганда, иш бўладигандек кўринади. Лекин бўлиб-бўлиб тўхтаб қолади, кейин маҳзунлик ва пушаймонлик келади. Кимдир нимадир қилган, йўлимни сеҳр билан қулфлаган, деб ўйлайди.

Ваҳоланки, нафсининг нопоклиги сабабидан мусибатга мубтало бўлган бўлади. Бир вақтлар одамлар тупроқни қўлга олса, у тилло бўлиб кетар эди, ҳозир эса тиллони қўлга олсанг, тупроққа айланиб кетади, дея ўз тиллари ила иқрор бўладилар. Ҳолбуки, бадназарлик сабабидан инсоннинг ҳаётидан барака кўтарилиб кетади.

«Бадназарлик ва зинодан сақланиш» китоби асосида тайёрланди

Ўзбекистон Республикаси Вазирлар Маҳкамаси ҳузуридаги Дин ишлари бўйича қўмитанинг 2021 йил 24 июндаги 03-07/4033 рақамли хулосаси асосида тайёрланди.

 

Манба
islom.uz
Мавзуга оид мақолалар
Зино луғатда фужурrdquo, яъни фожир, жирканч иш маъносида келади. Уламолар зинога турли ҳил таърифларни берганлар. Зинонинг умумий таърифи қуйидагича эканлиги давоми...

3807 17:30 / 26.05.2020
Аллоҳ таоло буюрадики.Эй мўминлар, тақволи кишилар бўлишингиз учун сизлардан илгари ўтганларга фарз қилингани каби сизларга ҳам саноқли кунларда рўза тутиш фарз давоми...

3118 17:00 / 24.01.2019
Дўзах.. Унинг бир нечта номи бор Жаҳаннам, Жаҳийм, Сақар, Нор ва ҳоказо. Дўзах ҳозир ҳам бор. Уни Қиёмат куни ҳар битта одам ўз кўзи билан кўради. 1. Нор mdash араб давоми...

5871 09:10 / 13.11.2023
Ҳадиси шарифда шундай дейилади .Назар солувчи ва назар солинган яъни, ўзига номаҳрамлар назари тушишига имкон берганни Аллоҳ лаънатласин, Мишкоти давоми...

1497 10:59 / 28.11.2023
Аудиолар

119861 11:58 / 10.10.2018
«Ҳилол» журнали
Китоблар

41586 14:35 / 11.08.2021