Шайх Салоҳ Абул Ҳож ҳазратлари Самарқандга ташриф буюрди
Аввал хабар берганимиздек, Ислом илмлари халқаро университети, ҳанафий фиқҳи факультети мудири, доктор Салоҳ Муҳаммад Солим Абул Ҳож ҳазратлари юртимиз бўйлаб илмий сафарни бошлаган эдилар.
Бугун, шайх Салоҳ Абул Ҳож ҳазратлари Самарқанд вилоятида жойлашган Имом Бухорий номидаги ҳадис илми марказига ташриф буюрдилар. Ташриф жараёнида меҳмонлар марказдаги талабалар ва илмий тадқиқотчи олимларга яратилган шароитлар ҳамда олиб борилаётган илмий ишларни кўздан кечирдилар. Шунингдек, Имом Бухорий ҳаёт йўлларига бағишланган музей билан ҳам яқиндан танишиб чиқдилар.
Сўнгра марказда таҳсил олаётган талабалар билан учрашув ташкил этилди. Учрашув асносида «Фиқҳда ҳадис илмининг аҳамияти» мавзусида суҳбат бўлиб ўтди.
Ушбу илмий суҳбат сўнгида талабаларни қизиқтирган саволларга жавоблар берилди.
Шу билан доктор Салоҳ Абул Ҳож ҳазратларининг Самарқанддаги ташрифлари якунига етди.
© islom.uz 2003-2025.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
