1443 йил 6 зулҳижжа | 2022 йил 05 июль, сешанба
Минтақа:
ЎЗ UZ RU EN
Жамият

Болалар савол берганда...

10:21 / 09.12.2021 1478 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Отанинг табассуми

Бола дадасидан сўраяпти:

- Табассумим билан табассумингиз орасида қандай фарқ бор?

Дадаси деди:

- Сен хурсанд бўлганингда табассум қиласан. Мен эса, сени хурсанд ҳолда кўрганимда табассум қиламан.

Аллоҳ таоло шундай марҳамат қилади:

رَّبِّ ارْحَمْهُمَا كَمَا رَبَّيَانِي صَغِيرًا

 

«Роббим, алар мени кичикликда тарбия қилганларидек, уларга раҳм қилгин» (Исро сураси, 24-оят).

******

Қалбларни парчаламанг!

Бир бола онасининг қабри ёнига келиб ўтирди ва шундай деди: «Онажон, мен билан уйга боринг. Муаллим мени доим уради. Ҳамма талабаларни олдида мени изза қилади. «Онанг бепарво аёл. Сенга ҳеч эътибор бермайди. Сени ўз ҳолингга ташлаб қўйган» деб мени йиғлатади.

Эй Одам боласи, бировни гап билан ўлдиришдан олдин айтадиган сўзларингни тарозида тортиб кўр!

******

Фаросат

Болакай усти сочиқ билан ёпилган идишда нимадир олиб кетаётган эди. Ёши каттароқ киши ундан «Идишда нима олиб кетяпсан?» деб сўради. Шунда бола: «Агар идишда нима борлигини бошқалар ҳам билиши керак бўлганида, устини сочиқ билан беркитиб олмаган бўлардим» деди.

Фаросат катта неъматлардан биридир!

******

Бахтли бўлмоқчиман!

Агар мен кичкина болакай бўлиб қолсам ва мендан: «Катта бўлганингда ким бўлмоқчисан? Нимани истайсан?» деб сўрасалар, мен уларга: «Табиб бўлмоқчиман» ёки «Учувчи бўлмоқчиман» деб айтмайман. Уларга биргина сўз: «Бахтли бўлмоқчиман» деб айтаман.

******

Шояд уйғонсалар

Икки болакай бирининг ҳовлисида ўйнаяпти. Шунда уй эгаси бўлган бола оғайнисига деди:

- Секинроқ гапир, шовқин солма! Уйда дадам ухлаяптилар, уйғониб кетадилар.

Буни эшитган дўсти мана бундай деди:

- Унда юр, менинг дадамнинг қабрлари яқинида ўйнаймиз. Шояд уйғонсалар!

******

«Эркак»

Бола отасидан сўрабди: «Отажон, «эркак» нима дегани»?

«Эркак дегани кучли, фарзандлари олдидаги масъулиятни ҳис қиладиган, уларнинг ишларига эътибор берадиган ҳамда уларнинг роҳатда яшаши учун ўзи бедор бўладиган инсондир» деб жавоб берибди отаси.

Шунда болакай: «У ҳолда мен ҳам онамга ўхшаган «эркак» бўлишни орзу қиламан» дебди.

******

Улар тозаловчилар

Бола отасига: «Уйимиз олдига ахлатчи келди» деди. Шунда ота: «Эй ўғилчам, ахлатчи бизмиз. У эса уйимизни ахлатлардан тозаловчидир. Бизга ёрдам бергани келган» деб тушунтирди.

******

Аллоҳ таоло Қуръони Каримда шундай деб марҳамат қилган:

يَا أَيُّهَا الَّذِينَ آمَنُوا قُوا أَنفُسَكُمْ وَأَهْلِيكُمْ نَارًا وَقُودُهَا النَّاسُ وَالْحِجَارَةُ عَلَيْهَا مَلَائِكَةٌ غِلَاظٌ شِدَادٌ لَّا يَعْصُونَ اللَّهَ مَا أَمَرَهُمْ وَيَفْعَلُونَ مَا يُؤْمَرُونَ 

 

«Эй иймон келтирганлар! Ўзингизни ва аҳли аёлингизни ёқилғиси одамлару тошдан бўлган оловдан сақланг. Унинг тепасида қўпол, дарғазаб фаришталар бўлиб, улар Аллоҳнинг амрига исён қилмаслар ва нимага буюрилсалар, шуни қилурлар» (Таҳрим сураси, 6-оят)

Болаларимиз бугун нозик қўлчалари билан қўлимизни маҳкам ушлаб ёнимизда, бағримизда эркаланиб ўтиради. Агар уларга Аллоҳ таолони, Пайғамбаримиз соллаллоҳу алайҳи васалламни, Динни, Қуръони Каримни, ҳадиси шарифларни, ҳалол-ҳаромни ўргатмасак, нозик қўлчалар йўғон қўлга айланиб, қиёмат куни ёқамиздан олади. Агар зиммамиздаги ота-оналик, устозлик бурчини бажармасак, дўзах ёқилғисига айланиб қолишимиз мумкин. Аллоҳ асрасин! Дўзахни кўрмасликни, ҳидини тотмасликни, иссиғини ҳис қилмасликни истасак, фарзандларимизга тўғри тарбия берайлик! Тўғри тарбия – Исломий тарбиядир!

******

Ишни нимадан бошлаш керак?

Китоб дўконига бориб, Шайх Муҳаммад Содиқ Муҳаммад Юсуф раҳимаҳуллоҳнинг қаламларига мансуб «Бахтиёр оила», «Соғлом бола» китобларини сотиб оламиз. Ўзимизни ҳам, болаларимизни ҳам шу китоблар асосида тарбия қиламиз. Аллоҳ таолонинг изни, иродаси билан натижа чиройли бўлади.

Аллоҳ таоло барчамизни фарзанларимизни шариатга мувофиқ тарбия қиладиган ота-оналар бўлишини насиб этсин, У Зот барчамизни Ўзининг ҳидоятидан айирмасин ва хотимамизни чиройли қилсин!

Интернет маълумотлари асосида Нозимжон Ҳошимжон тайёрлади

Муаллиф
Нозимжон Ҳошимжон
Манба
islom.uz
Мавзуга оид мақолалар
Аллоҳ азза ва жалла расулларни халққа ибрат қилиб юборган. Бизга ривоят қилинган хабарда айтилишича Идрис алайҳиссалом тикувчи бўлганНуҳ алайҳиссалом дурадгор давоми...

2977 19:49 / 27.09.2017
4790. Абу Ҳурайра розияллоҳу анҳудан ривоят қилинади.Набий соллаллоҳу алайҳи васаллам.Аллоҳ таоло қиёмат куни.Менинг жалолим учун бирбирларини яхши кўрганлар қани давоми...

4162 13:00 / 31.10.2021
Бир тадбиркор ўзининг ходимига шундай деди .Менга уй қуриб беришингизни илтимос қиламан, мана бу уйнинг қурилиш режаси. Илтимос, уйни шу чизма асосида қуриб беринг давоми...

2872 17:00 / 18 май
Уммати Муҳаммадияни фиқҳий аҳкомларда тўрт мазҳаб имомларига эргашиш билан чеклангани сабаблариТўрт мазҳаб имомлари эътимод қилган, суянган усуллар давоми...

589 13:00 / 30.11.2021
Аудиолар

84684 11:58 / 10.10.2018
«Ҳилол» журнали
Китоблар

14183 14:35 / 11.08.2021
Топ рейтинг www.uz Openstat