1444 йил 16 муҳаррам | 2022 йил 13 август, шанба
Минтақа:
ЎЗ UZ RU EN
Жамият

Ҳаёт келган жойидан давом этаверади

17:00 / 16 апрель 3289 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Жобир розияллоҳу анҳу айтади: «Расулуллоҳ соллаллоҳу алайҳи васаллам:

إن من أحبكم إليَّ وأقربكم مني مجلساً يوم القيامة أحاسنكم أخلاقاً

«Сизларнинг менга энг севиклигингиз ва қиёмат куни менга энг яқин жойда бўладиганингиз хулқи чиройлиларингиздир», дедилар. 

Термизий ривояти.

Денгизда бир боланинг поябзали йўқолди, бола соҳилга «Бу денгиз ўғри» деб ёзди.

Ундан унча узоқ бўлмаган жойда бир овчи бор эди, у кўп балиқ овлади, шунинг учун соҳилга «Бу денгиз сахий» деб ёзди.

Бир йигит денгизда чўкиб кетди, онаси соҳилга «Бу денгиз қотил» деб ёзди.

Бир чол денгиздан марварид овлади, соҳилга «Бу денгиз жўмард» деб ёзди.

Сўнг баланд тўлқин келиб соҳилдаги ҳамма ёзувни ювиб кетди.

Ҳаёт эса келган жойидан давом этаверди.

Шунинг учун одамлар айтадиган ҳамма гап билан ҳам миянгизни банд қилаверманг. Чунки кўпчилик фақат зеҳнига келган нарсани гапиради.

Биродарлик давом этиши учун хатони ўчиринг.

Ёмонликка дуч келсангиз, унга кучли раддия билдиришни эмас, чиройли раддия билдиришни ёки раддия билдирмасликни ўйланг.

Одамларга, уларнинг ёмон ахлоқидан эмас, балки ўзингизнинг чиройли ахлоқингиздан келиб чиқиб муомала қилинг.

Сиздан кейин ҳам узоқ яшайдиган ягона нарсангиз — ахлоқингиздир.

Шу боис ахлоқни гўзаллаштиришга, ёмонликлардан тийилишга уринишимиз лозим. Ҳаммамиз Пайғамбаримиз соллаллоҳу алайҳи васалламга севикли ва қиёмат куни у зот соллаллоҳу алайҳи васалламга энг яқин бўлишни истаймиз.

Келинг, ҳаммамиз ахлоқимизни чиройли қилишга уринайлик!

Дунёдан истаганингизча қўлга киритинг, лекин дунёдан аввал қандай келган бўлсангиз, шундоқ чиқиб кетасиз.

Неъматга ғарқ бўлиб турганингизда муҳтож кишиларни унутманг.

Садақа қилинг, барибир, кафаннинг ҳамёни бўлмайди.

Аллоҳ таоло қаерда бўлсангиз ҳам сизларни ва бизларни бахтли қилсин!

Нозимжон Ҳошимжон тайёрлади

Муаллиф
Нозимжон Ҳошимжон
Манба
islom.uz
Мавзуга оид мақолалар
Аллоҳ таолога ҳамду санолар бўлсинким, буюк алломалар юрти бўлмиш жаннатмакон Ватанимизнинг дунё ҳамжамиятида тутган ўрни тобора юксалиб бормоқда. Чорак асрки, давоми...

3554 09:49 / 23.09.2017
.Бирр, сўзи луғатда яхшиликнинг барча турларини ўз ичига олган.Уламо аҳли .бирр,нинг таърифида турли ибораларни айтганлар. Биз ана шулардан жамловчироқ бир давоми...

3864 19:32 / 10.09.2017
Бисмиллаҳир Роҳманир РоҳиймБолаларимиз биздан Фаластиннинг келажагига бефарқ эмаслигимиз ва Байтул Мақдисда содир бўлаётган воқеаларни мунтазам қизиқиш билан давоми...

12821 14:00 / 23.05.2021
.Инқироз, сўзи маълум қийинчиликлар, муаммоларни ва таҳдидларни муддатини англатади. Шу шарҳга биноан, мусулмон уммати бир неча хил инқирозни бошидан ўтказаяпти давоми...

3616 11:00 / 21.07.2021
Аудиолар

86282 11:58 / 10.10.2018
«Ҳилол» журнали
Китоблар

15476 14:35 / 11.08.2021
Топ рейтинг www.uz Openstat