1443 йил 18 шаввол | 2022 йил 19 май, пайшанба
Минтақа:
ЎЗ UZ RU EN
Жамият

Тафаккур: Бир хил сув ила суғорилган мевалар

13:00 / 18 январь 1204 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Биз тановул қиладиган нозу неъматлар ҳақида ўйлаб кўрайлик. Узум, хурмо, анор, олма, ўрик, нок, шафтоли, беҳи, қовун, тарвуз, бодом, ёнғоқ, буғдой, арпа, гуруч, ананас, банан, лимон, апельсин, мандарин, бодринг, помидор ва ҳоказо неъматлар турли рангда, шаклда, таъмда бўлсада, аммо уларнинг барчаси бир хил сув ила суғорилади. Мана шунинг ўзи Аллоҳ таолонинг улкан мўъжизаларидан биридир. Роббимиз Қуръони Каримда шундай деб марҳамат қилган:

وَفِي الْأَرْضِ قِطَعٌ مُّتَجَاوِرَاتٌ وَجَنَّاتٌ مِّنْ أَعْنَابٍ وَزَرْعٌ وَنَخِيلٌ صِنْوَانٌ وَغَيْرُ صِنْوَانٍ يُسْقَىٰ بِمَاءٍ وَاحِدٍ وَنُفَضِّلُ بَعْضَهَا عَلَىٰ بَعْضٍ فِي الْأُكُلِ ۚ إِنَّ فِي ذَٰلِكَ لَآيَاتٍ لِّقَوْمٍ يَعْقِلُونَ

«Ва ер юзида қўшни бўлаклар бор. Шунингдек, узумли боғлар, экинзорлар, шохлаган ва шохламаган хурмолар бўлиб, бир хил сув ила суғориладилар ва таъмда уларнинг баъзиларини баъзиларидан афзал қилурмиз. Бунда, албатта, ақл юритувчи қавмлар учун оят(белги)лар бордир» (Раъд сураси, 4-оят)

Мазкур меваларни еб кўрганимизда, гарчи бир хил сув ила суғорилса ҳам, уларнинг таъми турлича эканига, бири ширин, бири нордон, бири шўр ва ҳоказо эканига гувоҳ бўламиз. Мана шулар ҳақида ақл юритган киши бунда Аллоҳ таолонинг борлигига, бирлигига, қудратига, азаматига далолат қиладиган белгиларни топади.

Келинг, мазкур мевалар орасидан мандарин ҳақида ўйлаб кўрайлик!

Мандаринни деярли барчамиз кўрганмиз. Пўсти арчилганда, ичида бўлакларга бўлиниши осон қилиб қўйилган мевага кўзимиз тушган. Айтингчи, мандарин ўз-ўзидан шундай бўлиб қолганми?! Йўқ, албатта! Уни Аллоҳ таоло шундай қилиб яратган!

Аллоҳ таоло Қуръони Каримда шундай деб марҳамат қилган:

اللَّهُ خَالِقُ كُلِّ شَيْءٍ ۖ وَهُوَ عَلَىٰ كُلِّ شَيْءٍ وَكِيلٌ

«Аллоҳ ҳар бир нарсанинг яратувчисидир. Ва У ҳар бир нарсага вакилдир» (Зумар сураси, 62-оят).

Қаранг, мандаринни қийналмай истеъмол қилишимиз учун Меҳрибон Роббимиз уни бўлакларга бўлиб, тайёр қилиб қўйибди.

Нақадар Меҳрибонсан, Роббим!

Шундай Роҳман, Роҳим бўлган Зотга ибодат қилмай, Унга ҳамду сано айтмай, неъматлари учун шукр қилмай, мандаринни еб, кекириб юрганлар кўзларини очиб, ўзларини тузатсинлар, Намозни бошлай олмаётган бўлсалар, бугуноқ, ҳозироқ бошласинлар!

Агар Намоз ўқишни билмасалар, Шайх Муҳаммад Содиқ Муҳаммад Юсуф раҳимаҳуллоҳнинг «Намоз мўминнинг меърожи» номли китобларини қўлга олсинлар! Тушунмаган жойларини имомлардан сўрасинлар, улар ҳеч малолланмай тушунтириб беришади, иншаа Аллоҳ.

Аллоҳ таоло юртимиздаги барча мусулмонларни намозхонлардан қилиб қўйсин! Шароит, вазият, ички тартиб қандай бўлишидан қатъи назар намозни ўз вақтида адо этиб боришларини уларга ҳам, бизга ҳам насиб этсин!

Роббимиз барчамизни Ўзининг ҳидоятидан айирмасин, умримизни узун, амалимизни солиҳ айлаб, хотимамизни чиройли қилсин!

Интернет маълумотлари асосида Нозимжон Ҳошимжон тайёрлади

Муаллиф
Нозимжон Ҳошимжон
Манба
islom.uz
Мавзуга оид мақолалар
Бу уммат тавҳид рисолатини ва ҳидоят нурини шарқу ғарбга таратган, инсонларни бандаларнинг зулмию истибдодидан оламлар Роббисининг тавҳидига олиб чиққан, сўнгра давоми...

3210 14:38 / 12.04.2018
Шариат таълимотларига мувофиқ ўтказиладиган маросимларнинг барчасида кўплаб ижтимоий, ахлоқий, диний ва бошқа фойдалар бордир. Ушбу маросимлар орқали давоми...

7150 18:26 / 07.02.2018
Ҳалол туризм нима дегани .Ҳалол, сертифакатига эга меҳмонхоналар бошқаларидан нимаси билан фарқланади Туризмни ривожлантириш уюшмаси раиси, .Hotel Pro, компанияси давоми...

534 10:32 / 22 февраль
Ушбу масала юзасидан мен ҳам ўз мулоҳаза ва таклифларимни керакли тарафларга бергандим анча бурун ва ўшандан бери уларни сизларнинг муҳокамангизга ҳам ташлашни давоми...

7440 11:22 / 13.01.2018
Топ рейтинг www.uz Openstat