Саудияда Қуръон курслари давом этади
Саудия Арабистонининг Ислом ишлари, тарғибот ва раҳбарлик вазирлиги мамлакатдаги масжидларда ва аёллар марказларида Қуръон ўқиш ва ёдлаш курслари давом этишини айтди. Шунингдек, коронавирусни олдини олиш ва ижтимоий масофани сақлаш бўйича чоралар кўрилаётганини таъкидлади. Бу ҳақда Ал Беян сайти хабар берди.
Вазирликнинг твиттердаги расмий аккаунтида қуйидаги баёнотлар берилди: «Ислом ишлари вазири Абдул Латиф ал-Шайх вазирликнинг Саудия Арабистони ҳудудларидаги идораларига кўрсатма берди. Қуръони Каримни ёд олиш бўйича барча дарслар масжидларда ва махсус аёллар марказларида бошланади.
Шунингдек, бир вақтнинг ўзида профилактика чоралари ва ижтимоий масофани кузатиш ҳамда икки дозалик вакцинани қабул қилиш, дарсларга қатнашиш учун Тевеккулна сайтида рўйхатдан ўтиш зарур».
© islom.uz 2003-2024.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
