12 ёшида Қуръонни ёд олган Марокашлик хаттот
Марокашлик хаттот Алав Битам Қуръонни мағриб алифбоси билан тугатди. У болалигидан Қуръон ўрганишни бошлаган ва 12 ёшида уни тўлиқ ёд олган.
Al-Shaab ахборот сайтининг хабарига кўра, Алав Битам уч йил ичида хаттотлик санъатини ва унинг эстетикасини ўрганган. Марокашлик хаттот Алав Битам 1958 йилда Батна провинцияси Овлад Авф шаҳрида туғилган. У 6 ёшида Қуръони Каримни ёд олишни бошлаган, 12 ёшида эса бутун Қуръонни ёд олишга муваффақ бўлган. Кейинчалик у мактаб ва масжидларга бориб, таълим олди ва шу вақт мобайнида адабий ва диний асарларни диққат билан кузатиб, ўрганиб чиқди.
Алав Битам кўп йиллар давомида ўз шаҳрининг ҳуқуқшунослари ва профессорлари ҳузурида таълим олган ва бу саъй-ҳаракатлар натижасида бадиий, диний ва адабий шахс шаклланган. Бу эса ўзи туғилган шаҳар аҳолиси учун ўзига хос шараф ҳисобланади.
Хаттот томонидан Қуръони Каримнинг ўз қўли билан ёзган нусхаси Батна вилояти аҳолиси томонидан жуда яхши кутиб олинди. Битам ўз маблағлари ҳисобидан лойиҳани якунлади ва 3 йил Қуръон ёзуви устида изланишлар олиб борди. Ниҳоят ижодкор хаттот болалик орзусини амалга оширди.
Битамнинг таъкидлашича, Марокаш араб ёзуви уни жуда қизиқтирган, у эстетик жиҳати ва ранг-баранглиги билан энг муҳим ислом ёзувларидан биридир.
Бу марокашлик рассом араб адабиётини, шунингдек Қуръони Каримни ёзишни жуда яхши кўрар эди ва ўзининг адабий ҳаракатларидан бирида Ироқ тарихи ва қадимий цивилизациясини 2894 жуфтлик билан тасвирлаб берган.
Айн-ал-Тутанинг Ан-Наср туманидаги кичик нонвойхонасида бу муҳим санъат ва маданий лойиҳа устида ишлаш учун унга 4 йил муддат керак бўлди.
© islom.uz 2003-2025.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
