Жазоирлик қария 75 ёшида қория бўлди
Жазоирнинг Сатиф шаҳрида истиқомат қилувчи 75 ёшли Хаси Мелиса Хува Қуръони Каримни тўлиқ ёд олиб, мураттаб қория бўлди. Бу ҳақда «эл шурук» нашри хабар берди.
Қария Мелиса Сатиф шаҳридаги «Эл Сабтин» масжидига бориб, Қуръон муаллимидан унга Қуръони Каримни ўқитишни илтимос қилди. Муаллим дастлаб, қария Қуръонни тўлиқ ёд ололмаслигини билсада, бироқ кампирнинг қатъиятлилигини кўриб, унга мусҳафдан ўргатишни бошлади.
«Эл Сабтин» масжиди Қуръон ўқитувчиси Мусо ибн Идирнинг айтишича, аёлнинг кучли иродаси уни қарийб 13 йиллик тажрибадан ўтишга ундаган. Мактуб ёзиш, сўнгра сўз бойлигини ўргатиш билан бошланган ушбу машғулот Қуръон ўқиш билан давом этди.
Гарчи бу жазоирлик кампирнинг кўриш қобилиятида муаммоси бўлган бўлса-да, у ўзининг кучли иродаси билан барча тўсиқларни енгиб ўтди ва Аллоҳнинг каломини ўқийдиганлардан бирига айланди. У Қуръондан яхшироқ нарса йўқлигини айтади.
Жазоирнинг Сатиф шаҳридаги маданият ва санъат вазирининг ўринбосари 75 ёшли Хаси Мелисани улкан муваффақияти учун фахрий ёрлиқ билан тақдирлади.
Хуршид Маъруф
© islom.uz 2003-2024.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
