Таълим соҳасида халқаро ҳамкорлик одимлари: Малайзия Саинс Ислом университети
Жорий йилнинг 15-22 март кунлари “GRAND TA’LIM” нодавлат таълим муассасаси “Hilal Travel” туристик ташкилоти билан ҳамкорликда Малайзия давлатига сафар ташкил этилгани ҳақида баён қилгандик. “GRAND TA’LIM” жамоаси илмий-амалий сафарни давом эттириб, 18 март, душанба куни Малайзия Саинс Ислом университетига (University Sains Islam Malayziya) - ташриф буюрди.
Малайзия Саинс Ислом университети-(University Sains Islam Malayziya)да жамоани университет ректори, дато профессор Мусо Аҳмад жаноблари пешвоз чиқиб қаршилади.
Учрашув давомида мезбонларга “GRAND TA’LIM” НТМ фаолияти хусусидаги тақдимот ўтказилди. Шунингдек, Ўзбекистонимизнинг бой маънавий-маданий тарихи, ўтмиш буюк алломалари ва тарихий шаҳарлари ҳақида ҳам сўзлаб ўтилди. Ўз навбатида университет вакиллари ҳам Малайзия Саинс Ислом Университети ўқув жараёни, мавжуд факультетлар ва ўқув дастурлари хақида қисқача сўзлаб беришди.
Universiti Sains Islam Malaysia (USIM) - тўлалигича ҳукумат томонидан молиялаштириладиган, ривожланиб келаётган давлат ислом университетидир.
Университет ўз олдига диний фанлар бўйича глобал маълумотнома маркази бўлишни мақсад қилгандир. USIM- олий таълимнинг уникал, ўзига хос моделини тақдим этади. Университети бугунги кунда ижтимоий ва жисмоний фанларни исломий билимлар билан интеграциялаш- (ўзаро боғланган тарзда ривожлантириш формаси) натижасида тақдим этаётган дастурлари жорий глобал муаммоларни ҳар томонлама ўрганиб, тушуниш ва уларнинг ечимида альтернатив- муқобил таклифларни берувчи илғор университет сифатида ўзини намоён қилмоқда.
Университетда талабалар сони- 11 982 та.
Академик жамоа -ўқитувчилар сони- 571 та. Факультетлар- 9 та. Академик лойиҳалар- 72 та.Чет эллик талабалар- 656 та. Жами битирувчилар- 20027 та.
Мазмунли кечган учрашувда икки томонлама ҳамкорлик йўналишлари, “GRAND TA’LIM” ва Малайзия Саинс Ислом университети ўртасида ўқитувчиларнинг малака ошириши дастурини ишлаб чиқиш, университетнинг малакали устоз педагогларини Ўзбекистонга таълим беришга таклиф этиш каби масалалар мухокама қилинди.
Шу куннинг ўзидаёқ университет ҳам ўзининг ижтимоий тармоқдаги саҳифасида Ўзбекистон “GRAND TA’LIM” билан ўтган учрашув хусусида катта фотогаларея жамланмасини жойлаштиргани қувонарлидир.
“GRAND TA’LIM”, 2019 йил.
© islom.uz 2003-2024.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
