Аллоҳни ҳақиқий маънода танувчи кишининг аломати
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Имом Шиблий роҳимаҳуллоҳдан, Аллоҳни ҳақиқий маънода танувчи кишининг аломати ҳақида сўрашди. Шунда у киши: «Кўкси кенг, қалби мажруҳ, жисми ташлаб қўйилган, улоқтирилган кишидир», деб айтдилар.
Орифнинг аломати ва сифатлари нима? дейилганда, у киши: «Ориф - Аллоҳ таолони Қуръон ва суннатда келганидек таниб, Аллоҳнинг буйруқларига амал қилиб, қайтариқларидан қайтган, Аллоҳнинг бандаларини Аллоҳ муҳаббатига ва Унга яқинлашиш, қурбатга чақирган кишидир», дедилар.
Шунда у кишига: «Орифни билдик, сўфий ким?» деб айтилди. У киши: «Сафолик устига жун кийим кийган, Мустафонинг йўлларига тушган, дунё ва унинг шаҳватини орқасига улоқтирган, ҳавои нафсига жафо таъмини тоттирган кишидир», деб жавоб бердилар.
Сўфини билдик, тасаввуф нима? деб айтилди. Шунда у киши: «Аллоҳнинг амрини улуғлаш, Расулуллоҳ соллаллоҳу алайҳи васалламга иқтидо қилиш ва Аллоҳнинг бандаларига раҳм шафқат кўрсатиш», дея жавоб бердилар.
Манба: arabic.uz
© islom.uz 2003-2023.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
