1446 йил 17 Рамазон | 2025 йил 17 март, душанба
Минтақа:
Тошкент
ЎЗ UZ RU EN
Мўминларга эслатма

Бир пайтлари шундай бўлганмиз

17:00 / 19.03.2021 3052 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Ҳар бир мўмин мусулмон банда ҳазир бўлиши лозим бўлган қалб хасталикларидан яна бири кибр ва манманликдир. Кибр жуда ёмон, қабиҳ иллатдир. Кибр ва манманлик бир-бирига яқин ва ўхшаш салбий сифатлардир.

«Кибр», «такаббур», «кибриё» сўзлари луғатда катталик маъносини билдиради ва ўзини бошқалардан катта, устун ва афзал ҳисоблаш сифатига эга шахсга нисбатан ишлатилади.

Расулуллоҳ соллаллоҳу алайҳи васаллам бу сифатни: «Кибр ҳақни инкор қилиш ва одамларни ҳақир санашдир», деб таърифлаганлар.

Кибрнинг турлари:

1. Аллоҳ таолога кибр қилиш.

Бу энг ёмон кибрдир. Бу Фиръавн ва Намруднинг кибрига ўхшаш, Аллоҳ таолога банда бўлишдан ўзини олиб қочишдир.

2. Расулуллоҳ соллаллоҳу алайҳи васалламга кибр қилиш.

Бу Макка кофирлари қилганга ўхшаб Расулуллоҳ соллаллоҳу алайҳи васалламга бўйсунишдан жоҳиллик ва саркашлик ила кибр қилишдан иборатдир.

3. Бандаларга кибр қилиш.

Бунда ўзини бошқалардан устун қўйиб, ўзгаларга ҳақорат назари билан қарашдан иборатдир.

Ҳаддидан ошган ва охири денгизга ғарқ этилган Фиръавн ҳам;

Жиноятларни амалга оширишда Фиръавнга маслаҳатчи бўлган вазири Ҳомон ҳам;

Бойлиги билан мақтаниб, ундан закот беришдан бош тортган, молу дунёни ўзим топганман деб керилиб, охири ерга юттирилган Қорун ҳам;

Ислом ва мусулмонларнинг ашаддий душманлари бўлган Абу Жаҳл, Абу Лаҳаб кабилар ҳам;

Кўплаб аҳли илм, зиёлиларнинг қатл этилишига сабаб бўлган Сталин кабилар ҳам;

Пайғамбаримиз соллаллоҳу алайҳи васалламга нисбатан карикатура ва ҳақоратли сўзлари сабаб бизнинг нафратимизга учраётган франция президентидан тортиб, шу ишга алоқадор масъуллари ҳам;

Бирор мансабга ўтириб ёки пули кўпайиб, одамларни менсимайдиганлар ҳам;

Ота-онасига баланд овозда гап қайтариб, уларга дўқ қилаётганлар ҳам;

Уламоларга сакраётган, уларни турли сўзлар билан ҳақорат қилаётганлар ҳам онасининг қорнида «Кафтдан ҳам кичик келадиган ушбу босқични босиб ўтган»!

Инсон борки, барчаси шундай катталикдаги ҳомила даврини бошдан ўтказган.

Бир пайтлари кафтга сиғадиган ҳажмда бўлган инсон нимасига кеккаяди?!

Кибр, манманлик, одамларни менсимаслик каби иллатлардан тийилайлик!

Айтгандек, болани олдириш болани ўлдиришдир!

Аллоҳ таоло барчамизни Ўзининг ҳидоятидан айирмасин ва хотимамизни чиройли қилсин!

                                         Islom.uz маълумотлари асосида Нозимжон Ҳошимжон тайёрлади

Манба
islom.uz
Мавзуга оид мақолалар
Умар ибн Хаттоб розияллоҳу анҳу ўзларига ва мусулмонларга берилган неъматлар масъулиятидан ҳам юқори даражада хавфда бўлар эдилар. У кишида молдунё ила давоми...

8549 14:30 / 07.05.2022
Хатиб Бағдодийнинг .Тариху Бағдод, китобида келади.Иброҳим ибн Рустамнинг таржимаи ҳолида қуйидагилар ёзилган.Иброҳим ибн Рустам аслида Кирмон аҳлидандир. давоми...

2412 14:17 / 13.03.2024
Шаръий узрларАвратга қарашни мубоҳ қилувчи узрлар ўнтадир.1.Бирор кимсанинг зиёнига гувоҳлик қилмоқ ниятида. Масалан зино қилувчиларни шахсини билиб олиш учун, давоми...

4171 11:43 / 29.09.2020
. Абу Ҳурайра розияллоҳу анҳудан ривоят қилинади .Расулуллоҳ алайҳиссалом бизга Ҳинднинг ғазотини ваъда қилганлар. Агар ўшангача етиб борсам, давоми...

1915 13:22 / 17.07.2024