Доҳа: 2021 йилда Ислом оламининг маданий пойтахти
Бутунжаҳон Ислом таълим, илм ва маданият ташкилоти (ISESCO) Қатар пойтахти Доҳани 2021 йилда Ислом оламининг маданий пойтахти сифатида танлади. Бу ҳақда Ал-Қудс Ал-Арабий газетасига таяниб, iqna.ir манбаси хабар берди.
2022 йил Қатарда Жаҳон чемпионатига тайёргарлик билан бир қаторда, ушбу минтақанинг мероси ва ўзига хослигини кўрсатадиган тадбирлар ва фестивалларга қизғин тайёргарлик кўрилмоқда.
Шунингдек, Қатар амири Тамим бин Ҳамад Ал Соний ҳомийлигида мамлакатда «Бизнинг маданиятимиз ёрқин» шиори остида «Доҳа — 2021 йилда Ислом оламининг маданий пойтахти» тадбирлари бўлиб ўтади.
Тадбирлар 8 март куни Доҳада Ислом таълими, илми ва маданияти халқаро ташкилоти (ISESCO), Ислом ҳамкорлик ташкилоти, (ИҲТ) ихтисослашган ташкилот, Қатарнинг Таълим, маданият ва фан бўйича миллий қўмитаси, Қатар Маданият ва спорт вазирлиги ҳомийлигида бўлиб ўтади.
Дастурнинг стратегик шериклари қаторига Таълим ва олий таълим вазирлиги, вақфлар ва ислом ишлари вазирлиги, Қатар музей институти, Қатар маданий қўшнилик фонди ва Қатар илмий таълим ва ижтимоий ривожланиш жамғармаси ҳам ҳисса қўшади.
«ISESCOнинг Қатарга бу унвонни беришининг сабаби шундаки, Доҳанинг кўплаб филиаллари, унинг қадимий тарихи ва мероси, маданий кучи ва исломий характерини намойиш этади» дея маълумот беради Ал-Қудс Ал-Арабий газета ҳисоботида. — Доҳадаги ушбу исломий тадбир Ислом олами билан боғлайдиган дўстлик ва ҳурмат ришталарини мустаҳкамлайди. Ислом дунёсининг маданий пойтахти Доҳанинг 2021 йилдаги фаолияти Қатарнинг тарихий намойишлари ва инсоний қадриятларини маданий хилма-хиллигини таъкидлаш имкониятини беради, чунки Қатар маданиятлар ва цивилизациялар учун учрашув жойидир. Ҳар бир миллатнинг бошқалардан фарқ қиладиган маданияти борлигини ва Ислом маданияти ўзига хос ноёб қадриятга эга эканлигини ҳисобга олсак, «Бизнинг маданиятимиз нур» шиори танлови ҳам Доҳа фаолиятининг рамзи ҳисобланади.
2021 йилда Ислом оламининг маданий пойтахти Доҳа Ислом қадриятларини, хусусан илм-фан ва инсон қадр-қимматига асосланган қадриятларни тарғиб қилиш ва дунёда Ислом маданий меросини оммалаштириш учун кучларни бирлаштирди.
Шу билан бирга, дастур Исломий мамлакатлар ва умуман Ислом маданияти учун иккиланган қиймат сифатида маданий хилма-хилликка, шунингдек, Қатарнинг маданий тажрибасини ва Ислом маданияти бўйича саъй-ҳаракатларини тарғиб қилишга қаратилган.
Хуршид Маъруф тайёрлади
© islom.uz 2003-2025.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
