ЖССТ Мадина шаҳрини дунёдаги энг соғлом шаҳарлар рўйхатига киритди
Жаҳон соғлиқни сақлаш ташкилоти Саудия Арабистонининг Мадина шаҳрини дунёдаги энг соғлом шаҳарлар рўйхатига киритди. Бу ҳақда theislamicinformation.com манбаси хабар берди.
Бугунги кунда Мадина шаҳрида 2 миллиондан ортиқ аҳоли истиқомат қилади. Бу ЖССТ томонидан уларнинг энг соғлом шаҳарлари дастури бўйича аҳоли зич жойлашган биринчи шаҳар ҳисобланади.
Мадина шаҳри барча соғлиқни сақлаш ҳолатига жавоб бергандан сўнг ЖССТ аккредитациясини олди. Қолаверса, бунга 22 та жамоалар, ҳукумат, кўнгиллилар агентликлари ёрдам беришди.
Жаҳон соғлиқни сақлаш ташкилотидан аккредитациядан ўтиш дастури Таибаҳ университети билан стратегик ҳамкорликда бўлиб, ушбу рўйхатдан ўтиш учун барча талабларни бажаришни таъминлади.
Шунингдек, ушбу ташкилот Таибаҳ университети томонидан қилинган саъй-ҳаракатларни юқори баҳолади ва бошқа шаҳарларни Жаҳон соғлиқни сақлаш ташкилоти рўйхатига киритиш учун университетдан ёрдам олишга чақиради.
Таибаҳ университети раҳбари доктор Абдул Азиз Ассара 100 аъзоларни бошқариб, уларни фуқаролик, хайрия, ҳукумат ва кўнгилли ташкилотлар сифатида бошқариб келади.
Мадина минтақаси стратегияси лойиҳаси томонидан мезонларнинг мақсадлари ва «Инсонпарварлик шаҳарлари» дастури белгиланган.
Ҳозирда Саудия Арабистони коронавирусга қарши курашиб, карантин қоидаларини назорат қилиб келмоқда ва Умра зиёрати учун чегараларни очган. Макка ва Мадина шаҳарларида бирор бир кўнгилсиз ҳолат қайд этилмаган.
Хуршид Маъруф тайёрлади
© islom.uz 2003-2024.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
