1442 йил 7 рабиъул аввал | 2020 йил 24 октябрь, шанба
Минтақа:
ЎЗ UZ RU EN
Мақолалар

Ўлим ҳақ, сабаби ноаниқ

11:06 / 09 август 1897 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Бобби Лич исмли киши ўз номини Ниагара шаршарасидан биринчи бўлиб сакраган инсон сифатида тарихда қолди. Сакраганидан ўн беш йил ўтиб апельсин пўстлоғига сирпаниб кетиб оёғини синдириб олди. Кейинроқ оёғида гангрена бошланиб оёғини кестиришга мажбур бўлди. Икки ой ўтиб касаллик асоратидан вафот этди. Момоларимиз айтишар эди:

«Умридан бўлса қийинчиликдан ўлмайди!».

Бобби Лич Ниагара шаршарасидан сакраганида умридан бор экан, ўлмади, шикастланмади. Ўлимининг сабаби битта апельсиннинг пўстлоғига сирпаниши экан.

Мутанаббий айтган экан:

«Ким қилич билан ўлмаса бошқа нарса билан ўлади. Сабаблар кўп, ўлим биттадир!».

Қадарлар ёзилган, умрлар ҳисоблидир. Роббимиз ўз каломида нақадар рост айтган:

«Ҳар бир умматнинг ўз ажали бор. Ажаллари келган вақтда бирор соат ортга ҳам, олдинга ҳам сура олмаслар!».

Рим папаси Павел иккинчи еб тўймас бўлган экан. Нафас йўлига тарвуз данаги тиқилиб ўлган экан.

Таиланд маликаси Сунандҳа Кумариратана дарёдан қайиқда ўтаётиб қайиқ ағдарилиб кетган экан. Унинг қўриқчилари у чўкаётганда томошабин бўлиб туришган. Чунки ўшанда махсус қонун бўлиб, ким маликага қўлини теккизса ўлимга ҳукм қилинар эди.

Греция қироли Александр маймун тишлашидан вафот этган.

Швеция қироли Адольф Фредерик қанд касаллигига чалинганини билмасдан бир товоқ ширинлик еган. Шунинг оқибатида ўлган.

Англия қироли Жорж II ҳаммомда тойилиб кетиб боши билан йиқилиб вафот этган.

Грек файласуфи, драматург Эсхилнинг бошига бургут тошбақа ташлаб юборган ва у ўлган. Одатда бургутлар тошбақани юқоридан ташлаб юборар экан. Унинг тоши сингандан сўнг ер экан!

Шундай экан, ўлим ҳақ, сабаби ноаниқ. Ибодатларни вақтида қилиб, сабабларни ўрнида қилиб хотиржам яшайверайлик. Барибир ўлимдан қочиб қутила олмаймиз!

Islom.uz портали таҳририяти

Мавзуга оид мақолалар
Аллоҳ таоло Қаҳф сурасининг 25оятида золим ҳоким истибдодидан иймонларини сақлаб қолиш учун бир қаҳфгағорга паноҳ тортиб кирган етти киши ҳақида шундай марҳамат давоми...

3024 15:10 / 28.12.2018
Мазкур икки улуғ амалдан кўзланган мақсадлардан бири, ибодатларни адо этиш жараёнида қалбни тўғри тутиш, хушуъ ва хузуъни қойиллатиб адо этиш, бир сўз билан давоми...

670 20:00 / 23.07.2019
Шайх Абул Ҳасан Али ибн Фаззол ибн Али Мужошиъий Қойровоний наҳвийнинг шундай деганини эшитганман .У бизнинг ёнимизга ҳижрий 469 йилда келган эди. Уни Фахрул ислом давоми...

495 10:49 / 12 июнь
Яҳё ибн Одам айтади .Мисъарнинг вафоти яқинлашганда унинг ҳузурига Суфён Саврий кирди. Уни бетоқат аҳволда кўриб, .Нима учун бетоқатсиз Аллоҳга қасам, қанийди мен давоми...

1397 08:05 / 23 март
Топ рейтинг www.uz Openstat