1446 йил 20 Рамазон | 2025 йил 20 март, пайшанба
Минтақа:
Тошкент
ЎЗ UZ RU EN
Мақолалар

Рамазон: Субҳи козиб ва субҳи содиқ

19:00 / 07.05.2020 4660 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Самура ибн Жундуб розияллоҳу анҳудан ривоят қилинади:

«Набий соллаллоҳу алайҳи васаллам:

«Билолнинг азони ҳам, уфқда бундай (ердан осмонга) чўзилган оқлик ҳам сизларни саҳарлигингиздан алдаб қўймасин. Токи мана бундай бўлиб ёйилгунча», дедилар».

Бешовларидан фақат Бухорий ривоят қилмаган.

Термизийнинг лафзида:

«Билолнинг азони ҳам, баландга чўзилган фажр ҳам сизларни саҳарлигингиздан ман қилмасин. Лекин уфққа ёйилган фажр (ман қилсин)», дейилган.

Ушбу ҳадиси шарифда саҳарликни қачонгача давом эттириш мумкинлиги ҳақида сўз бормоқда.

Тонг отиш пайти икки босқичдан иборат бўлади.

Биринчи босқичда ёруғлик пастдан юқорига кўтарилади. Бу субҳи козиб ёки фажри козиб дейилиб, «ёлғончи тонг» деган маънони англатади. Ушбу ҳадиси шарифнинг ҳукмига кўра, ўша субҳи козиб вақтида саҳарлик вақти тугамаган бўлади.

Иккинчи босқич эса ёруғликнинг уфқ бўйлаб кўндалангига тарқалиши билан бўлади. Бу субҳи содиқ ёки фажри содиқ дейилиб, «рост тонг», деган маънони билдиради. Ана шунда оғизни бекитиш вақти кирган бўлади. Ундан кейин саҳарлик қилиш мумкин эмас.

«Ҳадис ва ҳаёт» китобидан

Муаллиф
Шайх Муҳаммад Содиқ Муҳаммад Юсуф
Манба
islom.uz
Мавзуга оид мақолалар
Бир киши чодирда ўтирган дарвешнинг олдидан ўтиб қолиб, шундай дедиndash Сенинг дўстинг кимndash Қалбим.ndash Суҳбатдошинг кимndash Сабр.ndash Нима билан вақтингни давоми...

3253 07:00 / 27.12.2018
Авзоийдан ривоят қилинади .Умар ибн Абдулазиз ҳар куни ўз молмулкидан мусулмонлар таоми учун бир дирҳам ажратар, сўнгра ўзлари ҳам улар билан бирга ер эдилар. давоми...

2655 08:01 / 31.01.2020
Бандаларга туҳфа қилинган мавсумлардан бири Зулҳижжа ойининг аввалги ўн куни ҳисобланади. Бу кунларни ғанимат билган, уларни бекорга ўтказиб юбормаган инсон давоми...

2328 16:13 / 02.08.2019
Илоҳий каломда бир сўзки қутлуғ,Фаришталар ундан ўтмас ҳаёда.Онадан афзалроқ, отадан улуғРасулуллоҳ деган зот бор дунёда.Ўтганлар ўтдилар, келганлар давоми...

2015 11:00 / 10.10.2021