Аллоҳнинг борлигига далил
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Бир киши Жаъфар ас-Содиқ розияллоҳу анҳуга: «Аллоҳнинг борлигига қандай далил бор? Фақат менга олам, ундаги дунё матоҳи ва дуру гавҳарлардан далил келтирма!» деди. Жаъфар розияллоҳу анҳу унга: «Денгизга тушганмисан?» деди. У: «Ҳа», деди. Жаъфар розияллоҳу анҳу: «Денгизда кетаётганингда шамол туриб, денгизга чўкиб кетиш хавфи бўлдими?» деди. У: «Ҳа», деди. Жаъфар розияллоҳу анҳу: «Тагингдаги кема ва ёнингдаги денгизчилар сени қутқара олишидан умидинг узилдими?» деди. У: «Ҳа», деди. Жаъфар розияллоҳу анҳу: «Ўша ерда сени қутқарадиган кимдир борлигини ҳис қилдингми?» деди. У яна: «Ҳа», деди. Жаъфар розияллоҳу анҳу: «Ана ўша Зот Аллоҳдир!» деди.
«Солиҳлар гулшани» китобидан
© islom.uz 2003-2024.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
