1445 йил 4 шаввол | 2024 йил 13 апрель, шанба
Минтақа:
ЎЗ UZ RU EN
Мақолалар

Жума ёки шанба кунини рўзага хослаш

10:00 / 30.05.2019 1586 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Абу Ҳурайра розияллоҳу анҳудан ривоят қилинади: 

«Набий соллаллоҳу алайҳи васаллам: 

«Бирортангиз жума куни рўза тутмасин. Магар ундан олдин ёки кейин тутсангиз, майли», дедилар». 

Бешовлари ривоят қилганлар.

Шарҳ: Ушбу ҳадиси шарифга биноан, ёлғиз жума кунини ажратиб олиб, ўша куни рўза тутиб бўлмайди. Жума кунидан олдин бир кунни ёки кетидан бир кунни қўшиб тутиш мумкин.

Чунки жума куни ҳафталик байрам кунидир. Шунинг учун йиллик байрамлар куни рўза тутилмагани каби у кунда ҳам рўза тутмаган маъқул.

Шу маънода Пайғамбаримиз соллаллоҳу алайҳи васалламдан ҳадис ҳам ворид бўлган. Бунинг устига, яҳудийлар ўзларининг ҳафталик байрамлари – шанба куни рўза тутар эканлар. Агар мусулмонлар ҳам ўзларининг ҳафталик байрамлари бўлмиш жума куни рўза тутсалар, яҳудийларга ўхшаган амални қилган бўлиб қоладилар.

Абдуллоҳ ибн Буср розияллоҳу анҳудан, у киши сингиллари розияллоҳу анҳодан ривоят қилади: 

«Набий соллаллоҳу алайҳи васаллам: 

«Шанба куни сизга фарз қилинган рўзадан бошқа рўза тутманглар. Агар бирортангиз узум донаси пўчоғи ёки дарахт шохидан бошқа ҳеч нарса топмаса, ўшани чайнасин», дедилар». 

«Сунан» эгалари ривоят қилганлар. Имом Ҳоким саҳиҳ, деган.

Шарҳ: Демак, ушбу ривоятга биноан, ёлғиз шанба куни рўза тутиб бўлмайди. Агар шундай қилинса, яҳудийларнинг иши қилинган бўлади. Бу ишга алоҳида эътибор беришимиз лозим. Чунки Пайғамбаримиз соллаллоҳу алайҳи васалламнинг «Узум донаси пўчоғини ёки дарахт шохини топса ҳам шимиб олсин», деганлари шуни кўрсатади.

«Ҳадис ва ҳаёт» китобидан

Муаллиф
Шайх Муҳаммад Содиқ Муҳаммад Юсуф
Манба
islom.uz
Мавзуга оид мақолалар
Аллоҳ таоло Қуръони каримда шундай марҳамат қилади.Сен мўминларга айт, кўзларини тийсинлар ва фаржларини сақласинлар. Ана шу улар учун покдир. Албатта, Аллоҳ нима давоми...

3449 18:40 / 07.07.2020
Абу Саъиддан ривоят қилинади Абдуллоҳ ибн Марзуқ Маҳдий билан тўкинсочинликда эди. Бир куни ўйинкулги қилиб, хамр ичиб, пешин, аср, ва шом намозларини ўқимади. давоми...

3257 07:00 / 15.12.2018
Ўтган мужтаҳид имомлар имомлик рутбасига илм талабидаги олийҳимматлик ва вақтларни зое қилишдан устунлик билангина эришдилар. Имом Моликнинг шогирди Яҳё ибн Яҳё давоми...

2238 11:30 / 03.01.2022
Абдурраҳмон раҳматуллоҳи алайҳ айтади .Бир куни Бишр ибн Мансур бир иш билан олдимга келди. Унга .Одам юбормайсизми, ўзим борардимку,, деганимда .Йўқ. Менинг ишим давоми...

1373 09:08 / 01.03.2020
Аудиолар

119796 11:58 / 10.10.2018
«Ҳилол» журнали
Китоблар

41515 14:35 / 11.08.2021