1445 йил 18 Рамазон | 2024 йил 28 март, пайшанба
Минтақа:
ЎЗ UZ RU EN
Янгиликлар

Муфтий АҚШлик мусулмонларни Рамазон ойи билан табриклади

12:30 / 25.05.2019 1633 pdf Ўқиш режими + -

Ўзбекистон мусулмонлари идораси раиси, муфтий Усмонхон Алимов АҚШга қилган сафари давомида Вашингтон шаҳридаги энг қадимий ҳисобланмиш «Муҳаммад» номли жоме масжидида мўмин-мусулмонлар билан дилдан мулоқот қилди.

Муфтий АҚШлик мусулмонларни Рамазон ойи билан муборакбод этиб, Ўзбекистон заминидан етишиб чиққан буюк алломалар, уларнинг илмий меросларининг жаҳон илм-фани ривожидаги ўрни, муҳтарам Президентимизнинг диний-маърифий соҳада олиб бораётган ислоҳотлари, юртимиз мўмин-мусулмонларининг турмуш ҳаёти, янги очилаётган масжид-мадрасалар ва илмий мактаблар фаолияти ҳақида батафсил маълумот берди.

Ушбу жоме масжиднинг имом-хатиби Толиб Шариф жаноблари ўзаро мулоқотда ўтган йили Ўзбекистонга ташриф буюргани, диний-маърифий соҳада амалга оширилаётган ижобий ишларни ўз кўзи билан кўргани, ҳақиқатан, мусулмон оламида Ўзбекистон етакчи давлатлардан бири эканини билдирди.

«Муҳаммад» номли жоме масжид жойлашган ҳудудда Ислом маърифатини кенг ёйиш, мўмин-мусулмонларнинг диний эҳтиёжларини қондириш ва ташкилотларда исломий тушунчаларни етказишда Имом Толиб Шариф жанобларининг хизматлари кўпчиликка маълум. У кишидан Аллоҳ рози бўлсин.

Маълумот ўрнида, «Муҳаммад» масжиди 1930 йилда барпо этилган бўлиб, АҚШ пойтахти Вашингтондаги энг қадимий масжид ҳисобланади. Масжид жойлашган ҳудудда жуда кўп мусулмонлар истиқомат қилади. Шаҳар четида масжидга қарашли ёрдамчи хўжаликлар ва вақф ерлари ҳам мавжуд. Ундан тушган даромадлар ушбу масжид ва мўмин мусулмонларнинг эҳтиёжлари учун сарфланади. Жума кунлари масжидга 500-600 намозхон ташриф буюради. Машҳур боксчи, жаҳон чемпиони Муҳаммад Али ҳам шу масжид қавмидан бўлган.

Шунингдек, ушбу жоме «Миллат масжиди» ва «Вашингтон масжиди» номлари билан ҳам машҳурдир. Масжид узоқ йиллар шаҳар, туман ва Колумбия округининг, қолаверса қатор масжидларнинг энг йириги ҳисобланган. Дин Муҳаммад исмли аллома ушбу масжидга биринчи бўлиб, имомлик қилганлардан биридир. У фаолияти давомида миллионлаб мусулмонларнинг оғирини енгил қилиш, ижтимоий қўллаб-қувватлаш каби ишларни бажарган.

Ўзбекистон делегациясининг АҚШ сафари давом этмоқда.

Манба
Ўзбекистон мусулмонлари идораси
Мавзуга оид мақолалар
Ҳижрий тақвим бўйича Рамазон ҳайити байрами билан бошланадиган шаввол ойидамиз. Бу ойнинг фазилати ҳақида, Пайғамбаримиз соллаллоҳу алайҳи васаллам шундай давоми...

2803 06:00 / 23.04.2023
Мусулмонлар хайрия ташкилоти одамларни рецепт орқали уйда овқат тайёрлашга ундаш ва озиқовқат қашшоқлигига қарши кураш бўйича миллий кампанияни бошлади..Давом давоми...

807 15:19 / 24.02.2021
Миср Вақф вазирлиги Рамазон ойида Қуръон қориларини хорижга жўнатиш учун танлов ўтказилишини маълум қилган. Бу ҳақда АлЙум алСаба нашри хабар берди.Танловда давоми...

1380 14:07 / 06.01.2022
Шри Ланка Мудофаа вазирлиги исломий китобларни олиб киришга тақиқ қўймоқчи. Бу ҳақда theislamicinformation.com манбаси хабар берди.Ушбу ҳаракат Шри Ланкада коронавирусдан давоми...

1548 17:00 / 08.03.2021
Аудиолар

118742 11:58 / 10.10.2018
«Ҳилол» журнали
Китоблар

40702 14:35 / 11.08.2021