1446 йил 17 рабиъул аввал | 2024 йил 20 сентябрь, жума
Минтақа:
ЎЗ UZ RU EN
Тазкия

Нафсни ислоҳ қилишнинг энг осон йўллари

05:00 / 01.03.2017 3427 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Ҳар бир инсон нафсини ислоҳ қилишга ва уни яхши томонга ўзгартиришга ҳаракат қилади. Баъзилар бу ишни чорасиз деб, ноумидликка тушади. Қуйидаги сатрларда нафсимизни ўзгартириш ва уни ислоҳ қилишнинг энг осон йўлларини баён қиламиз. 

Биринчи йўл: ҳаётингизни ўзгартирадиган бир ишни йўлга қўйинг. Мисол учун, ҳар куни Қуръони каримдан ёки бирорта яхши китобдан бир саҳифа ўқиш, сизга ёмонлик қилган одамга яхши сўз айтиш ва ҳоказо. Ёки ўзингизга қулай бошқа бир ишни йўлга қўйишингиз ҳам мумкин. Бу ишлар нафсингизни ислоҳ бўлишида катта ёрдам беради. 

Иккинчи йўл: нафсини ўзгартириб, ислоҳ қилишга эришган салафи солиҳлар ва улуғ зотлар ҳақидаги китобларни кўпроқ ўқинг. 

Учинчи йўл: нафсингиз ислоҳ бўлишда эришган бирор ютуғи учун уни мукофотланг. Мукофот кичик, арзимас нарса бўлса ҳам майли. Масалан, кўпдан бери бирор жойга саёҳатга бормоқчи бўлиб юрибсиз. Шу саёҳатни нафс ислоҳида бирор ижобий натижага эришгандан кейин амалга оширинг.

Тўртинчи йўл: доимо нафсингизни ислоҳи ҳақида фикр қилинг. Шу нарса ҳақида хаёл суриш бўлса ҳам майли. Фикрингизни доим шу нарса банд этсин. Токи мана шу хаёл сизни нафсни ислоҳ этишга янада қизиқтирсин, шавқингизни оширсин. 

Бешинчи йўл: Аллоҳдан нафсингизни ислоҳ этишини сўраб дуо қилинг. Бу энг осон ва энг муҳим йўлдир. Қолаверса, мақсад рўёбга чиқишида энг манфаатлиси ҳам шу йўлдир. Ибн Қаййим раҳимаҳуллоҳ бу борада шундай деганлар: “Дуо зарарни даф қилишда ва фойдани ҳосил қилишда энг кучли омилдир. Энди дуо ижобатининг кечикиши эса бир неча сабабларга боғлиқ бўлади. Ё дуонинг ўзида камчилик бўлади. Масалан, у Аллоҳ яхши кўрмайдиган дуо бўлиши, унда бир инсонга нисбатан адоват маънолари бўлиши мумкин. Ёки дуо қилувчининг қалби заиф бўлгани, Аллоҳ сари юзланмагани, ихлоссиз қилгани сабаб бўлиши мумкин. Худди камоннинг ипи жуда бўш бўлса, ундан отилган ўқ узоққа бормаганига ўхшаб. Ёки ижобатга монеълик қиладиган нарсалар: ҳаром ейиш, зулм, гуноҳларнинг қалбларни қоплаб олиши, ғафлат, шаҳват ва беҳуда сўз-амалнинг дуо қилувчини эгаллаб олиши, ушбу нарсаларнинг унга ғолиб бўлиши каби”. 

Аллоҳ таоло нафсларимизни ислоҳ қилсин! Бу хайрли ишда Ўзи Мададкор бўлсин, омин! 


Интернет материаллари асосида 

Нозимжон Ҳошимжон тайёрлади


Муаллиф
islom.uz
Мавзуга оид мақолалар
Тафаккур нафсни поклайдиган ва ахлоқни сайқаллайдиган энг муҳим омиллардан биридир. Тафаккур .фикр, ўзагидан олинган бўлиб, бир нарса ҳақида чуқур фикр юритиш давоми...

14714 05:00 / 28.02.2017
Аъробий сўрадиndash Эй Аллоҳнинг Расули, туяни боғлайми ёки эркин қўйиб, таваккул қилаймиРасул соллаллоҳу алайҳи васаллам буюрдиларndash Боғлаб таваккул қилЯна Аллоҳ давоми...

2544 18:05 / 29.11.2018
Хожа Яъқуб Чархий қуддиса сирруҳуБу зоти шарифнинг Ғазна вилоятининг Чарх қишлоғида туғилганлари маълум. Туғилган саналари эса маълум эмас. Мавлоно Яъқуб Чархий давоми...

4631 15:10 / 02.02.2019
Бир одам .ўғлим мени менсимайди, гапимга кирмайди, дўстларим олдида мени шарманда қилди,, деб зорланди. Маълум бўлишича, дўстлари билан майхўрлик қилиб ўтириб, давоми...

4694 17:08 / 22.05.2018
Аудиолар

129931 11:58 / 10.10.2018
«Ҳилол» журнали
Китоблар

50576 14:35 / 11.08.2021