1441 йил 24 муҳаррам | 2019 йил 23 сентябрь, душанба
Минтақа:
ЎЗ UZ RU EN AR
Янгиликлар

“Вақф: моҳияти ва ижтимоий аҳамияти” мавзусида видеосеминар бўлиб ўтди

09:42 / 05.12.2018 644 pdf Ўқиш режими + -

Жорий йилнинг 4 декабрь куни “Вақф: моҳияти ва ижтимоий аҳамияти” мавзусида диний соҳа ходимлари иштирокида видеосеминар ўтказилди. Бу ҳақда Ўзбекистон мусулмонлар идораси Матбуот хизмати хабар берди.

Семинар давомида “Вақф” тушунчаси, унинг истилоҳий маънолари, вақф мулкларининг юзага келиши тарихи ва шаръий ҳукмлари ҳамда “Вақф” хайрия жамоат фонди фаолиятини тарғиб этиш бўйича маърузалар тингланди.

Ўзбекистон мусулмонлари идораси раиси, муфтий Усмонхон Алимов Ислом динида инсонларни доимо меҳр-мурувватли бўлишга чақирилгани, хайру саховат ёйилган юрт обод бўлиши, қайси жамиятда одамларнинг қўли очиқ бўлса, бундай жамият равнақ топиши, Президентимиз ташаббуси билан ташкил этилган “Вақф” фонди олдида ҳам мана шундай мақсадлар турганини таъкидлади. Муфтий вақф тушунчасини ёйиш ва Фонд фаолиятини кенг тарғиб этиш борасида диний соҳа ходимлари олдида турган вазифаларни бирма-бир санаб берди.

Йиғилишда Фонднинг ривож топишига барча ўз ҳиссасини қўшиши, инфокиоскалар фаолиятини кенгайтириш ва мўътабар манбаларда келтирилган вақф бобидаги масалаларни баён қилишга катта эътибор қаратиш зарурлиги алоҳида қайд этилди.

Шунингдек, “Вақф” фонди раҳбари Искандар Халилов ўтган давр мобайнида қилинган хайрия ишлари ва келгусидаги режалар қисқача сўзлаб ўтди.

Семинар якунида “Вақф” хайрия жамоат фондининг фаолияти, бугунги кунгача амалга оширилган хайрия ишлари, тадбирлар ва лойиҳаларнинг амалий ифодаси акс эттирилган видеоролик намойиш этилди.


Islom.uz  портали таҳририяти

Манба
Ўзбекистон мусулмонлари идораси
Мавзуга оид мақолалар
Президентимиз Шавкат Мирзиёев ташаббуси билан мамлакатимизда таълимтарбия, диниймаърифий йўналишлардаги ислоҳотларга алоҳида эътибор қаратилмоқда. Бинобарин, давоми...

9099 16:13 / 03.04.2018
Мақола Ҳаж mdash 2019rdquo мавсумида Ўзбекистон ҳожиларга яратилган шартшароитлар бўйича Малайзия, Индонезия, Туркия сингари ҳаж ибодатини юқори даражада ташкил давоми...

95 09:41 / 14 август
Қозоғистон пойтахти Остонанинг чап қирғоғида қуриладиган янги масжидга тамал тоши қўйилишида иштирок этди. Биз минтақамизда ва нафақат унда энг катта бўладиган давоми...

448 11:00 / 19 март
2019 йилнинг 21 февралидан юртимизда I Халқаро зиёрат туризми форуми ўз ишини бошлади. У 23 февралга қадар давом этади.Ўзбекистоннинг сайёҳлик салоҳиятини намойиш давоми...

418 09:30 / 22 февраль
Топ рейтинг www.uz Openstat