Доғистонда «Солиҳларнинг яхшиликлари» китоби учун кенг кўламли танлов якунланди
1 август куни Бутунроссия бўйлаб «Солиҳларнинг яхшиликлари» китоби учун танлов бошланди. Танловда ёши, дини ва миллатидан қатъи назар, кенг кўламли мусобақада кўпчилик қатнашди.
Танловда саралаб олинган иштирокчилар 22 август куни Доғистон пойтахтида финалда беллашди. Тадбир Махачқалъанинг Марказий Жума масжидида карантин меъёрларига риоя қилган ҳолда бўлиб ўтди.
Доғистон Республикаси муфтияти матбуот хизматининг хабар беришича, финал босқичида Россиянинг турли вилоятларидан 250 га яқин иштирокчи қатнашган.
Танловнинг очилиш маросимида Доғистон Республикаси муфтийлиги, жамоат ва дин арбоблари иштирок этишди.
Умумроссия мусобақаси аҳолининг энг кенг қатламларини қамраб олди. Танлов иштирокчиларидан 30 тест саволларига жавоб бериш таклиф қилинди.
Иккинчи босқичда китоб бўйича 35 саволлар тузилиб, шундан учтаси ёзма шаклида бўлди. Якуний босқич иштирокчиларига 50 та саволга жавоб бериш учун икки соатдан кўпроқ вақт берилди. Шундан 11 таси тест шаклида, қолганлари ёзма топшириқ шаклида ўтказилди.
Танлов ташкилий қўмитаси раиси Ҳасан Маҳмудовнинг сўзларига кўра, икки кун ичида етккчи гуруҳ томонидан иштирокчиларнинг ишлари текширилиб аниқланади.
Танлов ғолибига Доғистон пойтахтидан квартира ва ўн беш нафар совриндорлар қимматбаҳо мукофотлар билан тақдирланади.
© islom.uz 2003-2025.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
