1445 йил 19 Рамазон | 2024 йил 29 март, жума
Минтақа:
ЎЗ UZ RU EN
Янгиликлар

Имконияти чекланганлар учун хайрия тадбири ўтказилди

14:09 / 03.12.2018 2493 pdf Ўқиш режими + -

Жорий йилнинг 3 декабрь куни пойтахтимиздаги “Кўҳинур” тўйхонасида “Халқаро ногиронлар куни” муносабати билан “Мурувват куни” хайрия тадбири ташкил этилди. Тадбир Ўзбекистон Республикаси Вазирлар Маҳкамаси ҳузуридаги Дин ишлари бўйича қўмита, Тошкент шаҳар ҳокимлиги, Ўзбекистон Мусулмонлар диний идораси ва “Ҳилол-нашр” нашриёт-матбаа корхонаси ҳамкорлигида ташкил этилди.

Хайрия тадбирига 300 нафар кўзи ожиз ҳамда эшитиш ва гапириш имконияти чекланган шахслар таклиф этилди. Унда шунингдек, Тошкент шаҳар ҳокимлиги, Дин ишлари бўйича қўмита, Ўзбекистон мусулмонлари идораси, Ўзбекистон кар-соқовлар жамияти, Ўзбекистон кўзи ожизлар жамияти раҳбар ходимлари ҳам иштирок этишди.

Ҳар йили 3 декабрь санасида бутун дунёда ногиронлиги бўлган шахслар куни нишонланиб келинади. Асосий мақсад бутун дунёда амалга ошириладиган дастур ва лойиҳаларда ногиронлар бошқа ногирон бўлмаган кишилар билан тенг ҳуқуқлилик асосида иштирок этишини, ногиронларнинг манфаатлари, ҳуқуқлари инобатга олинишини, барча мамлакатларда ногиронларнинг қадр-қимматини ҳимояловчи қонунлар ва тартиб-таомилларнинг жорий этилишини таъминлаб, барча учун очиқ ва дўстона бўлган жамият қуришдан иборатдир.

Тадбир давомида Ўзбекистонда ҳам ногиронлиги бўлган шахсларнинг манфаатларини ҳимоя қилиш, уларни жамиятимизнинг тўлақонли аъзоси эканликларини кўрсатиш мақсадида турли тадбир ва ислоҳотлар амалга оширилаётгани, буни Ўзбекистон Президенти томонидан “Ногиронлиги бўлган шахсларни давлат томонидан қўллаб-қувватлаш тизимини тубдан такомиллаштириш чора-тадбирлари тўғрисида”ги фармоннинг имзолангани мисолида ҳам кўриш мумкинлиги таъкидланди.

Ушбу фармонда авваллари ногиронларни камситиш сифатида ишлатилган “ногирон” сўзи ўрнига “ногиронлиги бўлган шахс” иборасининг қўлланилиши юртимизда инсон омилига бўлган юксак эътиборнинг натижаси экани қайд этилди.

Тадбирга ташриф буюрган меҳмонлар ташкилочилар томонидан муборакбод этилди. Жумладан, “Hilol-nashr” матбаа-корхонаси раҳбари Исмоил Муҳаммад Содиқ давлатимиз томонидан имконияти чекланган шахслар учун яратиб берилаётган шарт-шароитлар, уларни эъзозлаш каби фазилатлар динимизнинг энг мўътабар ахлоқ-одобларидан ҳисобланишини алоҳида таъкидлаб ўтди.

Тадбир иштирокчиларига ташкилотчилар томонидан, жумладан, “Hilol-nashr” нашриёт-матбаасининг китоб ва дисклардан иборат совғалари  тақдим этилди.

Islom.uz портали таҳририяти

Мавзуга оид мақолалар
Мустақиллик йилларида шўро даврида бир муддат унутган кўплаб улуғ аждодларимизни яқиндан танидик. Мамлакатимизда Имом Бухорий, Ҳаким Термизий, Имом Термизий, давоми...

1598 17:00 / 16.09.2021
711 ноябрь кунлари Буюк Британияда бўлиб ўтаётган ижтимоий фанлар ҳалқаро фестивали доирасида Ўзбекистоннинг Буюк Британиядаги элчихонаси кўмагидаги Буюк давоми...

1294 16:00 / 11.11.2020
Аввал хабар берганимиздек, 13 август куни юртимиздаги бир гуруҳ таниқли уламоларнинг Жиззах вилоятига ташрифлари бошланди.Сафар давомида Ўзбекистон мусулмонлари давоми...

1298 16:10 / 13.08.2021
Мисрнинг Вақф вазирлиги томонидан Расулуллоҳ соллаллоҳу алайҳи васаламнинг ахлоқий фазилатлари ва ҳаётларини тарғиб қилиш мақсадида Пайғамбаримизнинг давоми...

1891 17:07 / 12.12.2018
Аудиолар

118784 11:58 / 10.10.2018
«Ҳилол» журнали
Китоблар

40734 14:35 / 11.08.2021