Мавлоно Неъматуллоҳ Аъзамий ҳафизаҳуллоҳ Самарқандга ташриф буюрдилар
Жорий йилнинг 6 октябрь куни Ислом дунёсининг машҳур олими Мавлоно Неъматуллоҳ Аъзамий ҳафизаҳуллоҳ ва меҳмонлар Термиздаги зиёратларини якунлаб, Самарқандга етиб келишди.
Баҳрул улум, Мавлоно Неъматуллоҳ Аъзамий ҳафизаҳуллоҳ ва меҳмонлар Самарқанд шаҳрида ҳурмат ва эҳтиром ила кутиб олинди.
Меҳмонлар дастлаб Самарқандда пешин намозини адо этишди, сўнгра дастлабки зиёратни ҳадис илмининг султони Имом Бухорий ёдгорлик мажмуасидан бошладилар. Буюк ватандошимизнинг марқадларида Қуръон тиловат қилинди.
Кейин, меҳмонлар ҳадис илмининг султони Имом Бухорий мангу қўним топган муқаддас мажмуа ёнида ташкил этилган ҳадис илми мактабига ташриф буюришди. Ташриф чоғида улуғ устоз Мавлоно Неъматуллоҳ Аъзамий ҳафизаҳуллоҳ ушбу марказда фиқҳ ва ҳадис илмидан суҳбатга йиғилган илм аҳлларига батафсил маълумот бердилар. Йиғилган аҳли илмлар ўзларига ҳадис илмидан муҳим таклиф ва тавсиялар олдилар.
Бундан ташқари Мавлоно Неъматуллоҳ Аъзамий ҳафизаҳуллоҳ Имом Бухорий ҳадисларини талабаларга шарҳ қилиб бердилар. Ҳазратнинг шогирдлари Абдулмажид соҳиб йиғилганларга ушбу маълумотларни таржима қилиб берди.
Сўнгра, шом намозини меҳмонлар жамоат билан ўқишди. Таъкидлаш жоизки, машҳур олим, баҳрул улум, Мавлоно Неъматуллоҳ Аъзамий ҳафизаҳуллоҳ зиёрат сафарларидан мамнун эканликларини алоҳида таъкидлаб ўтдилар.
Кейинги зиёратлар ҳақидаги янгиликлар билан islom.uz портали ва порталнинг ижтимоий тармоқлардаги расмий саҳифалари орқали хабардор бўлишингиз мумкин. Бизни кузатишда давом этинг.
Islom.uz портали
© islom.uz 2003-2024.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
