1445 йил 19 Рамазон | 2024 йил 29 март, жума
Минтақа:
ЎЗ UZ RU EN
Исломий оила

Соғлом бола учун соғлом ота ва она танлаш

05:00 / 15.02.2017 3145 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Шариат таълимотлари бўйича ота-онанинг фарзанд олдидаги бурчлари оила қуришдан аввал, умр йўлдошини танлаш пайтида бошланади. Ҳар бир шахс ўзининг бўлажак фарзанди учун муносиб ота ва она танлаш мажбуриятидадир.

 

 عَنْ عَائِشَةَ رَضِيَ اللهُ عَنْهَا قَالَتْ: قَالَ رَسُولُ اللهِ  «تَخَيَّرُوا لِنُطَفِكُمْ، وَانْكِحُوا الْأَكْفَاءَ، وَأَنْكِحُوا إِلَيْهِمْ». رَوَاهُ ابْنُ مَاجَهْ.

 

Оиша розияллоҳу анҳодан ривоят қилинади:

«Расулуллоҳ соллаллоҳу алайҳи васаллам дедилар:

«Уруғларингизга ихтиёрни яхши қилинг. Никоҳингизга тенгни топинг ва уларга никоҳланинг».

Ибн Можа ривоят қилган.

    Ушбу ҳадисда Расулуллоҳ соллаллоҳу алайҳи васаллам бўлажак ота ва оналарга мурожаат қилиб, ўзларининг бўлажак фарзандларига муносиб ота ва муносиб она танлашга амр қилмоқдалар. Бундан мусулмон инсон оила қураётганда фақат ўзининг фойдасини ўйламасдан, бўлажак фарзандини ҳам ўйлаши, унга муносиб ота ёки она танлаши кераклиги келиб чиқади. Ҳар бир инсон оила қуриш чоғида ўзидан ва жуфти ҳалолидан дунёга келадиган фарзанднинг ғамини емоғи лозим бўлади. Чунки ота-онанинг сифатлари ва хусусиятлари ирсият йўли билан болага ўтиши бор. Шунинг учун болага ҳам маънавий, ҳам жисмоний тарафдан етук ота ва она танлаш керак бўлади. Токи фарзанд эсини таниганида отаси ва онаси билан, уларнинг ҳар тарафлама етук сифатлари билан фахрланиб юрадиган бўлсин.

    Боланинг соғлом бўлиши ҳақида қайғуриш борасида сўз кетганда, бўлажак ота-оналарнинг никоҳланишдан олдин тиббий кўрикдан ўтишлари ҳам шариат рухсат берган нарсалардан эканини эслаб ўтмоғимиз керак.

 

Шайх Муҳаммад Содиқ Муҳаммад Юсуф “Соғлом бола” китобидан.

Муаллиф
islom.uz
Мавзуга оид мақолалар
.Никоҳ, луғатда .қўшиш,, .жамлаш,, .яқинлик, деган маъноларни англатади. Шариатда эса никоҳ бир боғланиш бўлиб, у туфайли ҳузурланишни қасд этиш, яъни эркак кишининг давоми...

4793 17:37 / 15.07.2017
Талоқ тўғрисидаги маълумотларни талоқдан сақланиш чораларини жиддий сифатда ўрганиш лозим. Уларни яхши билган кишилар талоққа сира яқинлашмасликлари, ҳаттоки, у давоми...

4185 19:38 / 23.04.2018
Аёл зоти турмуш қургунича отаси, акаукаси ёки бошқа бирор эркак қариндоши нафақасида бўлиши маълум. У оила қуриши билан эрнинг нафақасига ўтади. Бас, оиласи давоми...

3208 05:00 / 14.02.2017
Келинкуёвни тўй билан табриклаш Пайғамбаримиз соллаллоҳу алайҳи васалламдан қолган суннатдир. Бу суннатга биноан ҳар бир мусулмон келинкуёвни табриклаш пайтида давоми...

11861 05:00 / 14.02.2017
Аудиолар

118811 11:58 / 10.10.2018
«Ҳилол» журнали
Китоблар

40755 14:35 / 11.08.2021