Юксак мартаба
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Анас ибн Молик розияллоҳу анҳудан ривоят қилинади:
“Пайғамбаримиз соллаллоҳу алайҳи васаллам:
“Қиёмат куни мартабаларига пайғамбар ва шаҳидлар ҳам ҳавас қиладиган ва Аллоҳ даргоҳида нурли минбарлар устидаги жойлари билан таниладиган кишиларнинг хабарини берайинми?” – деб марҳамат қилдилар.
– Улар кимлар, ё Расулуллоҳ? – деб сўрашди асҳоби киромлар.
Шунда Пайғамбаримиз соллаллоҳу алайҳи васаллам дедилар:
– Аллоҳнинг қулларини Аллоҳга ва Аллоҳ таолони Унинг қулларига севдириш учун интилган ва ер юзида зиммаларига иршод вазифаси юкланган олимлардир.
– Ё Расулуллоҳ! Аллоҳни Аллоҳнинг қулларига севдирмоқ тушунарли. Бироқ Аллоҳнинг қулларини Аллоҳга севдириш қандай бўлади? – деб сўрадим.
– Уларни Аллоҳ севган нарсаларга ташвиқ этишади ва Аллоҳ ёмон кўрган нарсалардан қайтаришади. Улар бунга қулоқ осиб, амал қилишса, Аллоҳ уларни севади, – деб марҳамат қилдилар Расули Акрам соллаллоҳу алайҳи васаллам.
“Қалбимизнинг нури” китобидан
© islom.uz 2003-2025.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
