1442 йил 19 рабиъус сони | 2020 йил 05 декабрь, шанба
Минтақа:
ЎЗ UZ RU EN
Тазкия

Нақшбандия тариқатидаги уч йўл

20:05 / 13.11.2018 1249 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Нақшбандия тариқатида муродга эришишнинг уч йўли бор:

1. Зикрда бардавом бўлиш.

2. Муроқаба.

3. Муршидга итоат қилиш.

Ушбу уч омилни алоҳида-алоҳида, батафсил ўзлаштириш лозим.

Биринчи омил 

Аллоҳ таолонинг зикрида бардавом бўлиш

Нақшбандия тариқатида зикр қалб билан ва махфий бўлади. Ушбу тариқатда зикрнинг икки сурати бор:

1. «Аллоҳ», дея зикр қилиш. Буни Зикри Зот ёки Зикри жалола ҳам дейилади.

2. «Лаа илааҳа иллаллоҳ», дея зикр қилиш. Буни «нафий ва исбот» ҳам дейилади («нафий» сўзи инкор маъносини англатиб, бу ерда «лаа илааҳа» деган жумланинг «илоҳ йўқ» деган қисмига ишора қилинмоқда. Жумланинг «иллаллоҳ», яъни «Аллоҳдан бошқа» деган қисми эса Аллоҳдан бошқа илоҳ йўқлигини исбот қилмоқда).

Бу зикр бошни эгган ҳолда, нафасни тутиб туриб, етти мартадан йигирма бир мартагача «Лаа илааҳа иллаллоҳ»ни қалбан айтиш ила бошланади. Бу зикр бир пайтнинг ўзида ҳам зикри хафий (махфий), ҳам нафий ва исбот, ҳам ҳаққоний муроқабадир.

Зикрнинг одоблари:

– Зокир таҳоратли ҳолида, пок ва тинч маконда қиблага юзланиб зикр қилади.

– Аллоҳ таолонинг исми билан бошлаб, У Зотга шайтоннинг ва нафснинг васвасасидан паноҳ тилаб дуо қилади.

– Аллоҳ таолога истиғфор айтади.

– Муршиди бўлса, уни эслаб робита қилади.

– Сўнгра Аллоҳни қалби ила зикр қилади.

– Шу билан бирга, доимий равишда Аллоҳ таолонинг зикрини қилиб, У Зотни эслаб юради.


“Нақшбандия: вазифалар, зикрлар” китобидан

Муаллиф
Шайх Муҳаммад Содиқ Муҳаммад Юсуф
Манба
islom.uz
Мавзуга оид мақолалар
иккинчи мақола . ,. .Абу Дардо розияллоҳу анҳудан ривоят қилинади.Расулуллоҳ соллаллоҳу алайҳи васалламнинг шундай давоми...

1377 20:04 / 04 январь
Тариқатларнинг ва шайхлик даъвосини қилувчи шахсларнинг тўғри йўлда эканлигини аниқлаш учун уларнинг шариатга, Расулуллоҳ соллаллоҳу алайҳи васаллам кўрсатган давоми...

1380 15:30 / 23.11.2019
Аллоҳ буюради .Аллоҳ ва пайғамбарга итоат қилингиз, Агар юз ўгирсалар, бас, албатта Аллоҳ бундай динсизларни севмас, Таҳрим сураси, 11оят.Аллоҳ иймонсизларни давоми...

3088 16:56 / 29.10.2018
16. Хожа Муҳаммад Баҳоуддин Нақшбанд қуддиса сирруҳуБу зот ҳижрий 718 сана ndash милодий 1318 санада Бухорои шарифнинг Қасри Орифонида дунёга келдилар ва ҳижрий 791 сана давоми...

1612 19:00 / 12.11.2018
Видеолар
Аудиолар

48081 11:58 / 10.10.2018
«Ҳилол» журнали
Топ рейтинг www.uz Openstat