1446 йил 22 Рамазон | 2025 йил 22 март, шанба
Минтақа:
Тошкент
ЎЗ UZ RU EN
Тафсири ҳилол

Бақара сураси, 242-оят

09:05 / 23.03.2018 3363 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Аллоҳ сизларга Ўз оятларини ана шундай баён этадир. Шоядки, ақл юритсангиз. Бақара 242. 

Мазкур оятлардан кўринадики, Аллоҳ Ўзининг ҳукмларини дақиқ ва пишиқ баён қилади. Мақсад эса – шоядки, одамлар ақл ишлатиб, тадаббур қилсалар. Шоядки, бу ҳукмларнинг ҳикматларини тушунсалар. Булар Аллоҳнинг улуғ неъмати, бахт-саодат манбаи эканини тушуниб етиб, ушбу ҳукмларни ҳаётга татбиқ этиш орқали Исломга тўлиғича киришдек буюк мақсадга эришишга уринсалар.

Ушбу ўтган оятларга ақл ишлатиб қаралса, Исломда оилавий масалаларга нақадар катта эътибор берилганлиги маълум бўлади. Қуръони Каримда ҳатто намознинг баёни шунчалик батафсил келгани йўқ. Бундан ташқари, бу масалалар баён қилинган деярли ҳар бир ояти карима: «тақво қилинг», «Аллоҳдан қўрқинг», «огоҳ бўлинг», «Аллоҳ белгилаган чегарани бузманг», «бу яхшилик қилувчиларнинг бурчидир» каби иборалар билан тугайди. Бу ҳам мазкур масалалар қанчалик аҳамиятли эканига далолат қилади. Охирги ўрганган оятимизда айтилганидек, шоядки, мусулмонлар бу ишлар ҳақида ақл юритсалар!

Аллоҳ таоло юқорида ўтган бир нечта оятларда фозил жамият қуриш учун зарур бўлган мустаҳкам исломий оила ҳақида батафсил сўз юритди. Уларни ўрганиш, ҳар бир ҳукмга ихлос билан амал қилиш барча мусулмонлар учун фарздир.

Аввал айтиб ўтилганидек, мусулмонлар билан қўшни бўлиб яшаб келаётган Бану Исроил қавми илоҳий китоб асосида жамият қурган бирдан-бир қавм эди. Аллоҳ таоло мусулмонларнинг ҳам Исломга тўлиғича кириш жараёнида Бану Исроил босиб ўтган йўлни босиб ўтишлари муқаррарлигини яхши билар эди. Шунинг учун ҳам ўтган умматлардан Қуръони Каримда қиссаси энг кўп келган қавм Бану Исроилдир. Келгуси оятлар тўпламида ҳам Бану Исроилнинг қиссаси келади. Лекин ундан аввал Аллоҳ таоло номаълум бир қавм билан бўлиб ўтган ҳодисани қисқагина, тушунарли қилиб эслатиб ўтади.

Муаллиф
islom.uz
Мавзуга оид мақолалар
Бас, агар қила олмасанглар ndash ҳеч қачон қила олмайсизлар ҳам ndash ёқилғиси одамлар ва тош бўлган, кофирлар учун тайёрланган оловдан қўрқинглар. Бақара 24.Аллоҳ давоми...

10801 17:28 / 30.07.2017
Ва қаердан чиқсанг ҳам юзингни Масжидул Ҳаром томон бур. Қаерда бўлсангиз ҳам юзингизни у томонга буринг, токи одамларда сизга қарши ҳужжат бўлмасин улардан зулм давоми...

3402 13:40 / 17.12.2017
Аллоҳнинг .бўёғ,ини лозим тутинг. Аллоҳдан кўра .бўёғ,и яхшироқ ким бор .Ва биз Унга ибодат қилувчилармиз,. Бақара 138. Ушбу оятдаги .бўёқ, калимаси рамзан динни давоми...

3759 07:10 / 05.12.2017
Молларини Аллоҳнинг йўлида сарфлайдиганларнинг мисоли худди ҳар бошоқда юзтадан дони бор, етти бошоқни ўстириб чиқарадиган бир дона донга ўхшайдир. Ва Аллоҳ Ўзи давоми...

4454 09:45 / 11.04.2018