1440 йил 18 зулқаъда | 2019 йил 21 июль, якшанба
Минтақа:
ЎЗ UZ RU EN AR
Сийрат

Жобирнинг валима дастурхони

17:11 / 16.01.2018 2554 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Расулуллоҳнинг шафоати барча умматларига етишига ишора қилувчи кўриниш

Саййидимиз Жобир розияллоҳу анҳу уйларига бориб рўзғорида мавжуд егуликларни текшириб кўрди. Қараса, кичкина эчки боласи ва озгина арпа бор экан. У егуликлар кўпи билан олти-етти кишига етишини тушунди. Расулуллоҳ соллаллоҳу алайҳи васалламнинг олдиларига келиб, у кишининг қулоқларига секин: «Мўъжазгина дастурхон ёзмоқчи эдик, агар ўзингиз бош бўлиб уч-тўртта ҳамроҳларингиз билан борсангиз, яхши бўларди, эй Аллоҳнинг Расули», – деди.

Катта қийинчиликлар давом этиб турган ўша пайтда саҳобаларнинг ҳаммалари ҳандақ қазишда иштирок этаётган эдилар.

Шундай вақтда қўлга киритилган егулик қанчалик оз бўлса ҳам, бошқаларни қўйиб, уч-тўрт киши тақсимлаб олиши  адолатданмиди?

Албатта, йўқ. Кичкина улоқча кўринишидаги ўлжа ва озгина арпадан иборат таом келди. Ушбу ризқ ҳамманинг ўртасида тақсимланиши лозим. Шунинг учун Расулуллоҳ барча саҳобаларни чақирдилар. Жобир розияллоҳу анҳу таом озлиги учун “уч-тўртта ҳамроҳингиз билан боринг” деганини тушундилар.

Лекин у зот соллаллоҳу алайҳи васаллам бошқа асос билан иш қилдилар. Уни Жобир кўрмаган бўлиши мумкин, лекин Мустафо соллаллоҳу алайҳи васаллам кўриб тургандилар. Шунинг учун саҳобаларнинг ҳаммаларини олиб бордилар.

Расулуллоҳ: «Мен қозон-ўчоқ тепасида хизматчи бўлиб ўтираман», – деб туриб олдилар. Ваҳоланки, у зотнинг қорни бошқалардан кўра оч эди. Расулуллоҳ Жобирга овқат пиширишда фойдаланиладиган катта идиш олиб келишни буюрдилар. Унга нонни майдалаб тўғрадилар. Кейин гўшт ва шўрванинг устига ташладилар. Идишнинг устини ёпиб: «Уларга олиб бор», – дедилар.  Расулуллоҳнинг ўзлари таомни ликопчаларга солиб у ер, бу ерда ўтирган саҳобаларга тарқатардилар. Ўзлари энг охирида едилар.

Расулуллоҳнинг саҳобаларга кўрсатганларидек ўз болаларига меҳрибонлик кўрсата оладиган бирорта онани кўрганмисизлар?

Бу кўриниш бизларни хотиржам қиладиган нарсадир.

Бу Мустафо соллаллоҳу алайҳи васалламнинг шафоатлари қиёмат куни мутакаббирлардан бошқа барча умматларга етишига ишорадир.


Имом Бутийнинг «Фиқҳ ус-сийра» номли туркум дастурдан эркин таржима.  

Тошкент шаҳар Эшонгузар жоме масжиди имом хатиби Абдуллоҳ Ғуломов. 

Муаллиф
islom.uz
Мавзуга оид мақолалар
Макка фатҳи куниРасули акрам амакилари ва эмикдошлари, Ислом душманларига қарши жангларда мислсиз шижоат кўрсатган амир Ҳамза Пайғамбар соллаллоҳу алайҳи давоми...

1350 19:04 / 28.04.2017
Абу Ҳурайра розияллоҳу анҳудан ривоят қилинади.Набий соллаллоҳу алайҳи васаллам.Қиёмат куни мен Одам фарзандининг саййидиман. Устидан қабр биринчи ёриладиган давоми...

1888 17:06 / 05.12.2018
27. Расулуллоҳ соллаллоҳу алайҳи васаллам аёлларига нисбатан ва уларнинг ўртасида ўта адолатли эдилар. У зотнинг адолатлари масъулиятни ҳис қилганларидан эди. давоми...

1387 19:55 / 28.04.2017
Умар алФоруқ розияллоҳу анҳунинг сийратлари ва фазилатлари ҳақида кўп жилдли китоблар ёзилган. У кишидан ривоят қилинган ваъзнасиҳатларини ўрганишга киришишдан давоми...

2124 10:28 / 09.06.2018
Топ рейтинг www.uz Openstat