Бақара cураси, 175-оят
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Ана ўшалар залолатни ҳидоятга, азобни мағфиратга сотиб олганлардир. Оловга қандай ҳам «сабрли»лар-а?! Бақара 175.
Ушбу ояти каримада васф асосида ҳақиқатни беркитган (кофир бўлган) яҳудий ва насронийларнинг иши агар бозордаги савдо-сотиқ мисолида тушунтирилса, улар ўзларига нақадар зулм қилаётганларини билиш мумкин. Худди қимматбаҳо олтинни бир тийинга қиммат жезга алишгандек, улар ҳидоятни сотиб, эвазига залолат – адашувни оладилар, шундай бебаҳо мағфиратни қўллари билан бериб, ўрнига азобни сотиб оладилар. Бундан зарарли савдо-сотиқ бўлмаса керак. Ҳа, модомики, қўлларидаги ҳидоят ва мағфиратни ўз ихтиёрлари билан топшириб, ўрнига ўзлари хоҳлаб, залолат ва азобни оляптиларми, энди маза қилиб, дўзах ўтига чидайверсинлар!
© islom.uz 2003-2026.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
