1441 йил 22 муҳаррам | 2019 йил 21 сентябрь, шанба
Минтақа:
ЎЗ UZ RU EN AR
Тафсири ҳилол

Бақара сураси, 150-оят

13:40 / 17.12.2017 1079 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Ва қаердан чиқсанг ҳам юзингни Масжидул Ҳаром томон бур. Қаерда бўлсангиз ҳам юзингизни у томонга буринг, токи одамларда сизга қарши ҳужжат бўлмасин – улардан зулм қилганлар бундан мустасно – бас, улардан қўрқманглар, Мендан қўрқинглар! Ва сизга неъматимни батамом этишим учун; шоядки, ҳидоят топсангиз. Бақара 150. 

Ушбу оятнинг илк жумласидаги амр –

«Ва қаердан чиқсанг ҳам юзингни Масжидул Ҳаром томон бур»

Набий алайҳиссаломга тааллуқли бўлса, кейин Ислом умматига, мусулмонларга хитоб қилиниб:

«Қаерда бўлсангиз ҳам юзингизни у томонга буринг…» деб буюрилмоқда. Кейин эса бу ишнинг ҳикмати баён қилинмоқда:

«…токи одамларда сизга қарши ҳужжат бўлмасин».

Агар қибла Каъбага қаратилмаганида, одамлар орасида Исломга, мусулмонларга қарши турли-туман гап-сўзлар, ҳужжат ва далиллар кўпаяр эди. Набий алайҳиссалом ва мусулмонлар қаерда бўлсалар ҳам, юзларини Масжидул Ҳаромга – Каъбаи Муаззамага ўгирсалар, бу муқаддас жойнинг собит қибла бўлиб қолганлиги душманларнинг оғзини беркитади, ҳужжатларини йўққа чиқаради. Шунда ҳам яна душманликда давом этаверадиганлари, албатта, золимлардан бўлади. Аллоҳ мусулмонларни огоҳлантириб, демоқдаки,

«…бас, улардан қўрқманглар, Мендан қўрқинглар!»

Яъни «Уларнинг орасида зулм қиладиганлари бор, аммо улардан қўрқманглар, Мендан қўрқинглар. Улар ҳам ожиз бир бандадирлар, у золимлардан қўрқиб, Аллоҳнинг айтганини тарк қилиш керак эмас. Ёлғиз Аллоҳнинг Ўзидан қўрқиш керак. Ҳамма иш Унинг қўлида».

Золимларнинг ҳеч нарсага арзимаслиги, Аллоҳ таолодангина қўрқиш зарурлиги таъкидланганидан сўнг бу ишларнинг барчаси Аллоҳдан бир неъмат эканига ишора этилади. Неъматни тугал адо этиш хабари ила Аллоҳ таоло умидворликни янада ўстиради:

«Ва сизга неъматимни батамом этишим учун; шоядки, ҳидоят топсангиз».

Муаллиф
islom.uz
Мавзуга оид мақолалар
Кейин .Уни усигирнинг бир қисми билан уринг,, ndash дедик. Аллоҳ худди шундай қилиб, ўликларни тирилтирур ва ояталоматларини кўрсатур. Шоядки, ақл юритсангиз. Бақара давоми...

1236 09:00 / 24.09.2017
Мусонинг ўз қавмига .Эй қавмим, албатта, сиз бузоқни илоҳ тутишингиз ила ўзингизга ўзингиз зулм қилдингиз. Энди сизни йўқдан бор қилувчи Зотга тавба қилинг, давоми...

1208 09:10 / 02.09.2017
Эй иймон келтирганлар Сизлардан аввалгиларга фарз қилинганидек, сизларга ҳам рўза фарз қилинди. Шоядки, тақво қилсангиз. Бақара 183. Бу ояти каримани ҳам Аллоҳ давоми...

1237 08:45 / 21.01.2018
.Нур, 37. бир кишиларки, уларни тижорат ҳам, олдисотди ҳам Аллоҳнинг зикридан, намозни тўкис адо этишдан ва закот беришдан чалғита олмас. Улар қалблар ва кўзлар давоми...

3132 15:11 / 10.06.2017
Топ рейтинг www.uz Openstat