1441 йил 20 рабиъул аввал | 2019 йил 17 ноябрь, якшанба
Минтақа:
ЎЗ UZ RU EN AR
Тафсири ҳилол

Бақара cураси, 141-оят

18:00 / 08.12.2017 1035 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Булар ўтиб кетган умматдирлар. Уларга ўзлари касб қилганлари бўлур, сизларга ўзингиз касб қилганингиз бўлур. Уларнинг қилган амалларидан сўралмассиз. Бақара 141. 

Бу зарур маънони таъкидлаш борасида ўзига хос қуръоний услубдир.

Ҳозиргача келган оятларда бошқа диндагилар билан ақийда масаласида тортишув, ҳужжат солиштирув бўлиб келди. Тўғрироғи, яҳудий ва насронийлар, гоҳида мушриклар ақийда бобида қўзғаган турли фитна ва миш-мишларга жавоб келди, уларнинг даъволари асоссиз экани исботланди. Айни чоғда мусулмонлар жамоаси Ислом ақийдасини мустаҳкамлашга, унда собитқадам бўлишга ўргатилди.

Ўша даврда амалий масалаларда ҳам тортишувлар бўлган, кофирлар турли фитналар қўзғаган эдилар. Буларга эндиги оятларда жавоблар келади. Шундай қилиб, мусулмонлар жамоасининг ҳар жиҳатдан чиниқиб, жамоа сифатида шаклланиш жараёнида уларни тарбиялаб бориш йўлга қўйилди.

Аввалги оятларда қайси дин ҳақ экани ҳақида тортишув кечди. Дини Исломнинг ҳақлиги тўғрисида ҳукм бўлди. Иброҳим алайҳиссаломга ким яқинроқ экани суриштирилиб, баҳонада Каъба қурилиши ҳам ҳикоя этилди.

Энди келадиган оятларда қайси қибла афзаллиги, қаёққа қараб намоз ўқиш кераклиги ва бошқа масалалар муолажа қилинади. Бу муолажалар яҳудийларнинг қибла ҳақидаги қўзғаган фитна гапларига раддия сифатида келади.

Маълумки, Набий алайҳиссалом Меърожга чиққанларида, намоз фарз бўлган. Шундан бошлаб мусулмонлар Каъбаи Муаззамага қараб намоз ўқиб юрганлар. Пайғамбаримиз ҳижрат қилиб, Мадинаи Мунавварага келганларидан сўнг Байтул Мақдисга қараб намоз ўқиш бошланди. Бу ҳолат ўн олти ёки ўн етти ой давом этди. Байтул Мақдисга қараб намоз ўқиш Аллоҳнинг Қуръонда келмаган амри ила бўлган. Сўнгра Аллоҳ субҳанаҳу ва таоло махсус оят нозил қилиб, яна Каъбаи Муаззамани қибла этди.

Муаллиф
islom.uz
Мавзуга оид мақолалар
Бас, буни ундан олдингиларга ва кейингиларга бездирувчи иқоб ҳамда тақводорларга мавъиза қилдик. Бақара 66. Ушбу хабарлардан Бану Исроилнинг яна икки ахлоқини давоми...

1159 09:05 / 16.09.2017
Талоқ икки мартадир. Сўнгра яхшиликча ушлаб қолиш ёки яхшиликча қўйиб юбориш. Уларга берган нарсангиздан бирор нарсани олиш сизга ҳалол бўлмас, икковлари давоми...

1500 09:05 / 10.03.2018
Ва улар билан то фитна бўлмайдиган бўлиб, дин Аллоҳники бўлгунича жанг қилинг. Агар тўхтасалар, золимлардан бошқаларга душманлик йўқ. Бақара 193. Бу оятларда келган давоми...

1216 23:20 / 31.01.2018
Бақара 1. Алиф лаам мийм.Қуръони Каримнинг йигирма тўққиз сураси юқоридагига ўхшаш ҳарфлар билан бошланган. Бу ҳарфларга турлича номлар берилган баъзилар .Ҳуруфул давоми...

1702 19:50 / 10.05.2017
Топ рейтинг www.uz Openstat