1443 йил 3 зулҳижжа | 2022 йил 02 июль, шанба
Минтақа:
ЎЗ UZ RU EN
Жамият

Муҳаббатда мўътадиллик матлуб

18:40 / 25.10.2017 3216 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

4792. Абу Дардо розияллоҳу анҳудан ривоят қилинади:

«Набий соллаллоҳу алайҳи васаллам:

«Бир нарсага бўлган муҳаббатинг сени кўр ва кар қилиб қўюр», дедилар».

Абу Довуд ва Аҳмад ривоят қилганлар.

Шарҳ: Бирор инсон ёки бошқа нарсага қаттиқ муҳаббат қўйиш кишини унинг айбларини кўриш ва эшитишдан четга олиб чиқиб қўяди. Ошиқ учун унинг барча нарсаси гўзал бўлиб кўринаверади. Шунинг учун муҳаббат кўру кар қилиб қўядиган даражада бўлмаслиги лозим. Балки мўмин мўминнинг ойнаси бўлиб, дўст ўз дўстининг баъзи нуқсонларини тузатиб турадиган бўлмоғи керак.

4793. Абу Ҳурайра розияллоҳу анҳудан ривоят қилинади:

«Набий соллаллоҳу алайҳи васаллам:

«Ўз ҳабибингга бир оз юмшоқ муҳаббат қил. Эҳтимол, бирор куни ёмон кўрганингга айланиб қолар. Ёмон кўрганингни бир оз юмшоқ ёмон кўр. Эҳтимол,  бирор куни маҳбубингга айланиб қолар», дедилар».

Термизий, Байҳақий ва Табароний ривоят қилганлар. Аллоҳ олий ва билгувчироқдир.

Шарҳ: Инсон эртага нима бўлишини билмайди. Шунинг учун бир нарсага қўл урганда ҳаддан ошириб юбормаслиги керак. Хусусан, одамлар билан муомалаларида. Бировни бугун яхши кўриб турган бўлсанг, эртага ёмон кўриб қолишинг мумкин. Ёки аксинча ҳам бўлиши мумкин. Шунинг учун оддий ҳолдаги одамлар билан бўладиган муҳаббат ва ёмон кўришда ўртача йўл тутган яхшидир.

Аммо Аллоҳ таолога ва Пайғамбар соллаллоҳу алайҳи васалламга бўлган муҳаббат қанча кучли бўлса, шунча яхши бўлади.

Аллоҳ таолонинг Ўзи барчамизни тўғри йўлга бошласин! Омин!

 

Шайх Муҳаммад Содиқ Муҳаммад Юсуф

  (Ҳадис ва ҳаёт китобидан)



Муаллиф
islom.uz
Мавзуга оид мақолалар
Жорий йилнинг 31 октябр куни расмий сайт ва ижтимоий тармоқларда .Жиҳодчилар, тарафдорлари фаолиятига чек қўйилди, сарлавҳали хабар эълон қилинди. Унда ёзилишича, давоми...

1285 12:51 / 01.11.2021
Набий соллаллоҳу алайҳи васаллам бемор бўлган яҳудийни кўргани борар эдилар.Абу Бакр розияллоҳу анҳу кўр кампирнинг уйини супурар, овқатини пишириб берар давоми...

878 16:00 / 28.06.2021
Фоний дунё ҳаёти имтиҳондан иборат экани ҳақидаги ҳикмат кўпчиликка маълум. Шундай экан, имтиҳондаги саволлар мураккаблиги жиҳатидан бир хил эмас. Дунёвий давоми...

2998 20:54 / 29.05.2018
.Мадраса, сўзи ҳозирги .мактаб, маъносидадир. Бизда тарихий хато туфайли бу икки ном нотўғри тушуниладиган бўлиб қолган. Баъзилар мадраса дийний ўқув юрти, бу номни давоми...

548 09:00 / 23 июнь
Аудиолар

84581 11:58 / 10.10.2018
«Ҳилол» журнали
Китоблар

14090 14:35 / 11.08.2021
Топ рейтинг www.uz Openstat