1442 йил 7 шаввол | 2021 йил 19 май, чоршанба
Минтақа:
ЎЗ UZ RU EN
Шахсият

Ризқ талаб қилишга чақирилган биринчи киши

13:53 / 21.10.2017 3147 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Ризқ талаб қилиш масаласига келсак, унга биринчи чақирилган ва унинг учун тадбири кўрилган киши Одам алайҳиссаломдир, чунки аввал у жаннатга киритилганида, иблисдан огоҳлантирилди. Кейин унга жаннатда тўрт нарса берилди ва дейилди:

«Эй Одам, албатта, бу сенга ва жуфтингга душмандир. Яна у икковингизни жаннатдан чиқариб, бадбахт бўлиб қолмагин. Албатта, сен у ерда оч-яланғоч қолмассан. Албатта, сен у ерда ташна ҳам бўлмассан, иссиқда ҳам қолмассан»[1].

Унга жаннатда ушбу тўрт нарса – таом, ичимлик, кийим ва маскан берилди ва уларнинг таъминотидан озод қилинди. Унга: «Яна у икковингизни жаннатдан чиқариб, бадбахт бўлиб қолмагин», дейилди. Яъни «Мазкур тўрт нарсани топаман деб уриниб, чарчамагин».

Бунда фақатгина бадан чарчоғи кўзланган.

Хотиннинг нафақаси эрга вожиблиги

Мана шуни хотиннинг нафақаси эрга вожиблигига далил қиламиз. Нафақа юқорида зикр қилинган тўрт нарсадан иборатдир. У Зот иблисдан бўладиган адоватни, шунингдек, жаннатдан чиқарилишни икковларига нисбат берди. Ризқ талаб қилишдаги машаққатни эса Одам алайҳиссаломга нисбат берди.

Машаққатнинг ёлғиз Одам алайҳиссаломга нисбат берилиши нафақа эрга вожиблигига далолат қилади. Сўнг Китоб (Қуръон) ҳам ушбу умматнинг шариатида нафақа эрларга вожиб эканини таъкидлади.

Ким роббига итоатлироқ
бўлса, ризқи осонроқ бўлади

Жаннатдан чиқарилгач, Одам мазкур машаққатга мубтало бўлди. Унинг зурриёти ҳам ҳаёт давомида ўша нарса сабабли машаққат чекадиган бўлди.

Одам алайҳиссаломнинг зурриётидан қай бир киши ўз Робби азза ва жаллага итоатлироқ ва бўйсунувчироқ бўлса, ризқ таъминоти унинг учун осон бўлади. Зотан, Одам алайҳиссалом ҳам ризқ талаб қилишга тоатни тарк қилганидан кейингина мубтало бўлди.

 

ТАОМНИНГ ЯХШИСИ ВА АЛЛОҲГА МАҲБУБИ

Сўнгра бу ҳақда Расулимиз соллаллоҳу алайҳи васалламдан ва бошқа расуллар алайҳимуссаломдан хабарлар келмиш.

 

Миқдом розияллоҳу анҳудан ривоят қилинади:

«Расулуллоҳ соллаллоҳу алайҳи васаллам дедилар:

«Аллоҳ учун Одам боласи ейдиган таомнинг Аллоҳ учун маҳбуброғи кишининг қўл меҳнатидан бўлганидир. Биродарим Довуд қўл меҳнатидан таом ер эди»[2].


Шайх Муҳаммад Содиқ Муҳаммад Юсуф

  (касбнинг баёни китобидан)




[1] Тоҳо сураси, 117−119-оятлар.

[2] Бу ҳадисни бошқача лафз билан Бухорий ривоят қилган.

Муаллиф
islom.uz
Мавзуга оид мақолалар
Унинг тиллодан бўлиши ҳаром, кумушдан бўлиши мустаҳабБу фаслда эркак кишиларнинг узуги ҳақида сўз кетади. Аёлларга тилло узук ва бошқа тилло тақинчоқлар ҳалол давоми...

2973 05:00 / 03.03.2017
Бир нарсага ҳирс қўйиш унга қаттиқ муҳаббат қўйиб маҳкам ёпишиб олиш ила бўлади. Ҳирс асосан молу дунё, мансаб ва обрўга қўйилади. Чексиз умид эса инсон ўзига давоми...

1882 05:00 / 02.03.2017
Мусо ибн Жаъфар1 отасидан, отаси бобосидан ривоят қиладиРасулуллоҳ соллаллоҳу алайҳи ва саллам дедилар Таомдан олдинқўлни ювиш камбағалликни кетказади. Таомдан давоми...

3241 05:00 / 03.03.2017
Абу Барза алАсламийдан ривоят қилинади.Ё Расулуллоҳ Мени жаннатга киритадиган амалга далолат қилинг,, ndash дедим. .Одамлар йўлидаги озор берувчи нарсани олиб давоми...

2185 05:00 / 04.03.2017
Аудиолар

59786 11:58 / 10.10.2018
«Ҳилол» журнали
Китоблар

4098 14:48 / 30 март
Топ рейтинг www.uz Openstat