1445 йил 20 зулқаъда | 2024 йил 28 май, сешанба
Минтақа:
ЎЗ UZ RU EN
Руҳий тарбия

Осонлик ва қийинлик кўплик ва озликдан эмас

17:09 / 14.10.2017 3788 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Дегувчи деди: «Расулуллоҳ соллаллоҳу алайҳи васаллам гоҳида оч қолиб, ҳаттоки қоринларига бир ёки иккита тош боғлаб олганлар. Шунингдек, Абу Бакр ва Умар розияллоҳу анҳумо ҳам шундай қилишган».

Деди: «Албатта, осонлик кўплик ва озликда эмас. Набий соллаллоҳу алайҳи васалламнинг ҳоллари ҳам шундай. У зот фақатгина ўзларига тақдир қилинган нарсанигина топар эдилар. Шунингдек, ризқдан ўзларига қисмат қилинганини олардилар. Ҳамма ҳам фақатгина ўзига тақдир қилинган ризқни топади. Ўша унинг ризқидир. Унга тақдир қилинмаган нарса унинг ризқи эмас».

Ризқ – бир нарсанинг қазо йўли ила сенга отилишидир.

Араблар «рузиқа» ва «зуриқа» дейишади. «Зуриқа билмизроқ» – «Унга буни отган эди, олдига келиб тушди», деганидир.

Агар «ро» ҳарфини олдин қилиб, «рузиқа» дейилса, «қазо ва қадар тарафидан отилди», дегани бўлади.

Итоаткорга осон бўлади, чунки унинг қалби ишончга тўлиқ, хотиржамдир. Бу Расулуллоҳ соллаллоҳу алайҳи васалламнинг қуйидаги қавлларидир:

«Кимни одамларнинг энг бойи бўлиш масрур қилса, Аллоҳнинг қўлидаги нарса унинг икки қўлидаги нарсадан кўра ишончлироқ бўлсин»[1].

Чарчоқ ва хоришдагига келсак, албатта, ўша чарчоқ ва хориш унда қалбнинг бузуқлиги сабабли ҳосил бўлган, чунки яқийн заифлашса, қалб беқарор бўлади. Унинг (ризқнинг) кечикиши қалбни маҳзун қилади. Унинг озлиги ва истагига кўра келмагани учун қалб синади. Унинг қалби доимо ғам-ғуссада ва маҳзунликда бўлади. Ўзи эса тақдир қилинган ёки қилинмаганини билмаган нарсанинг фавт бўлишидан афсусда бўлади.


Шайх Муҳаммад Содиқ Муҳаммад Юсуф

  (Касбнинг баёни китобидан)


______________________________

[1] Термизий шу маънодаги ҳадисни ривоят қилган.

Муаллиф
islom.uz
Мавзуга оид мақолалар
Шу кунларда кўп инсонлар Аллоҳ субҳанаҳу ва таолонинг бандаларига бўлган раҳмати кўриниши ва насибаси ҳақида сўрашади. Уларнинг бу суриштиришларидан танқид давоми...

3713 16:00 / 09.03.2018
Валийлик ва муҳаббат маъноси ҳақида сўрабсан. Муваҳҳидларнинг1 барчаси Аллоҳнинг валийлари2 ва аҳбобларидир. Аллоҳ уларнинг валийси, севувчиси ва маҳбубидир. У давоми...

3897 17:06 / 25.09.2017
.Шубҳа, сўзи луғатда .ўхшаш, маъносини билдиради. Яъни шубҳали нарса ўзидан бошқа нарсага ўхшашдек туюлади. Унинг аниқлиги йўқ бўлади.Уламоларимиз ҳалол ва ҳаром давоми...

5728 17:20 / 14.09.2017
Зайд ибн Арқам розияллоҳу анҳудан ривоят қилинади.Мен сизларга фақатгина Расулуллоҳ соллаллоҳу алайҳи васаллам айтган нарсаларнигина айтаман.......Аллоҳим давоми...

9084 17:48 / 03.03.2018
Аудиолар

122072 11:58 / 10.10.2018
«Ҳилол» журнали
Китоблар

43442 14:35 / 11.08.2021