1442 йил 10 Рамазон | 2021 йил 22 апрель, пайшанба
Минтақа:
ЎЗ UZ RU EN
Тафсири ҳилол

Бақара сураси, 49-оят

09:06 / 29.08.2017 1645 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Сизни ёмон азобларга солиб, ўғилларингизни сўйиб, қизларингизни тирик қолдираётган Оли Фиръавндан қутқарганимизни эсланг! Ана ўшанда Роббингиздан буюк синов бордир. Бақара 49. 

Араб тилидаги «Ол» сўзи «аҳл» сўзининг ўзгартирилган сийғаси бўлиб, ундан бир кишининг яқинлари, қариндошлари, хизматчилари, унга боғлиқ кишилар ва эргашганлар ирода қилинади. «Оли Фиръавн» деганда унинг оила аъзолари, яқинлари, аскарлари ва вакиллари тушунилади. «Ол» сўзи дунёвий шарафга эга бўлган одамларга нисбатан ишлатилади. Масалан, «Оли Макка» дейилмайди, балки «Аҳли Макка» дейилади. Фиръавн катта подшоҳ бўлганлиги учун унга мансуб кишиларни ҳам «Оли Фиръавн» деб аталган.

Фиръавн – қадимги Миср подшоҳининг лақаби. Яъни ким Мисрга подшоҳ бўлса, Фиръавн бўлар эди. Аслида ота-онаси томонидан қўйилган исми бошқа бўлади. «Оли Фиръавн» дегани «Фиръавннинг одамлари» демакдир. Оятда келган «ёмон азоблар» ибораси Фиръавн уларни доимо азоб-уқубатда ушлаб турганига далолатдир. Масалан, Бану Исроилда туғилган ўғил болаларни ўлдириб, қизларни тирик қолдириш ҳам улкан бир азоб. Шу билан бирга, оятда ўша ишлар Аллоҳнинг бир синови экани айтиб ўтиляпти. Бандаларнинг бошига оғир кунлар тушиши имтиҳон ва синовдир. Қийин аҳволда қолган одам Аллоҳнинг синовидан ўтаётганини ўзи билса, машаққати зое кетмайди. Ундан фойда олади. Қийинчиликлар осон туюлади, уларни осон енгиб ўтади. Вақтинчалик машаққат бу дунё ишларида тажриба, ибрат ва охират учун савоб тўплаш мавсуми бўлади. Чунки қийинчиликдаги одам доимо Аллоҳга тазарру қилиб, сабр ила кушойишни кутади.

Муаллиф
islom.uz
Мавзуга оид мақолалар
Аллоҳ иймон келтирганларнинг дўстидир. Уларни зулматлардан нурга чиқарур. Куфр келтирганларнинг дўстлари тоғутлардир. Уларни нурдан зулматларга чиқарурлар. Ана давоми...

2030 09:05 / 07.04.2018
Шоядки, ҳидоят топсангиз, деб Мусога Китобни ва Фурқонни берганимизни эсланг Бақара 53. Бу ҳам Бану Исроилга берилган улуғ неъматлардандир. Уларга пайғамбар этиб давоми...

1689 09:10 / 01.09.2017
.Қонларингизни тўкмайсиз ва ўзингизни ўзингиз диёрингиздан чиқармайсиз,, ndash деб аҳду паймонингизни олганимизни, сўнгра гувоҳлик бериб, иқрор бўлганингизни давоми...

1744 08:45 / 07.10.2017
.Намл, 3. Намозни тўкис адо этадиган, закотни берадиган ва охиратга аниқ ишонадиганларга.Демак, бенамозлар ёки намозни чала ўқийдиганлар Қуръони Каримдан ҳидоят давоми...

2529 15:46 / 15.06.2017
Аудиолар

57500 11:58 / 10.10.2018
«Ҳилол» журнали
Китоблар

1958 14:48 / 30 март
Топ рейтинг www.uz Openstat