1442 йил 14 зулқаъда | 2021 йил 24 июнь, пайшанба
Минтақа:
ЎЗ UZ RU EN
Рамазон-1438

Буюк ой

19:06 / 26.05.2017 3108 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

   Рамазон ойи яқинлашганда Расулуллоҳ соллаллоҳу алайҳи васаллам мусулмонларга бу муборак ойнинг фазлини баён қилиб берадиган хутба қилардилар.

     Салмон розияллоҳу анҳудан ривоят қилинади: 

“Бизга Расулуллоҳ соллаллоҳу алайҳи васаллам Шаъбон ойининг охирги кунида хутба қилдилар: “Эй одамлар, сизларга муборак буюк ой соя солди. Унда минг ойдан яхшироқ кеча бор. Аллоҳ рўзасини фарз қилди, қиёмини ихтиёрий қилди. Кимки яхшиликдан бир хислат билан у ойга яқинлашса, фарзни адо қилган кимса кабидир. Кимки фарзни адо қилса, етмиш фарзни адо қилган кимса кабидир. У сабр ойидир. Сабрнинг савоби жаннатдир. Ва тенглик ойидир. Унда мўминнинг ризқи зиёда бўлади. Кимки у ойда бир рўзадорни ифтор қилиб берса, гуноҳларига мағфират бўлади ва дўзахдан бўйнини (ўзини) озод қилади. Унга рўзадорнинг ажридан ҳеч нарса кам бўлмасдан унинг ажрича ажр бўлади”.

Шунда саҳобийлар:

“Эй Аллоҳнинг Расули, ҳаммамиз ҳам рўзадорга ифтор қилиб берадиган нарсани тополмаймиз”, дедилар. Расулуллоҳ соллаллоҳу алайҳи васаллам: “Аллоҳ бу савобни бир рўзадорни бир дона хурмо ёки бир қултум сув ёки бир ютум сутга ифтор қилиб берган кимсага беради. У ойнинг аввали раҳмат, ўртаси мағфират ва охири дўзахдан озод қилишдир. У ойда тўрт хислатни кўпайтиринглар: икки хислат билан Роббингизни рози қиласизлар. Ва икки хислатдан беҳожат бўлмайсизлар (сизларга жуда зарурдир). Аллоҳни рози қиладиган икки хислат: Аллоҳдан ўзга илоҳ йўқ деб гувоҳлик бериб ва Унга истиғфор айтасизлар. Сизлар беҳожат бўлмайдиган икки хислат: Аллоҳдан жаннатни сўрайсизлар ва Ундан дўзахдан паноҳ беришини сўрайсизлар. Кимки бир рўзадорга сув берса, Аллоҳ уни менинг ҳовузимдан суғоради – жаннатга киргунча чанқамайди”деб марҳамат қилдилар. (Ибн Ҳузайма саҳиҳида ривоят қилган).

Араб тилидан Муслимахон ЗОҲИДЖОН қизи таржимаси.

Муаллиф
islom.uz
Мавзуга оид мақолалар
Жуда кекса ёшдаги, мункиллаб қолган чолкампирлар рўза тутишдан ожиз бўлса, рўза тутмайдилар. Агар ўзига тўқ бўлса, фидя беради, бўлмаса Аллоҳга истиғфор айтади. Бу давоми...

3101 18:56 / 21.06.2017
Рамазоннинг руҳи, унинг фойдаси ҳозир ҳам дунё миқёсида яққол кўриниб турибди. Рамазони шариф кириши билан Ислом олами бутунлай бошқача оламга айланиб қолади. давоми...

2709 17:12 / 22.06.2017
Маълумки, Аллоҳ таоло бандаларни бу дунёда Ўзига холис ибодат қилишга буюради. Инсонларнинг зиммаларига фарз қилинган ибодат турлари эса ҳар хилдир. Мусулмонлар давоми...

4316 16:40 / 13.06.2017
Шайх Асъад Муҳаммад Саъийд СоғуржийРўзаБисмиллаҳир Роҳманир РоҳиймМуқаддимаАллоҳим, Сенга Ўзинг яхши кўрганингдек кўп, пок ва муборак ҳамдлар бўлсин. давоми...

5517 16:41 / 26.05.2017
Топ рейтинг www.uz Openstat