1442 йил 10 рабиъул аввал | 2020 йил 27 октябрь, сешанба
Минтақа:
ЎЗ UZ RU EN
Холислик сари

АМАЛИЙ ДАЪВАТ

15:40 / 28.04.2017 1411 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Машҳур қўшиқчилардан бири томонидан ҳикоя қилиб берилган бир воқеани эътиборингизга ҳавола қиламиз. Тошкент шаҳрининг кўзга кўринган масканларидан бири - Табассум кафесида бўлиб ўтган бу воқеа инсоф юзасидан айтадиган бўлсак ҳар кимнинг ҳам қўлидан келмайди. Айнан мана шундай воқеалар амалий даъват вазифасини ўтаб беради. 

...Бир куни олдимга бир ҳожи ака келди ва кенжа ўғлини уйлантираётганини айтди. Тўйнинг ароқсиз ўтишини эшитганимдан сўнг сўзсиз хизмат қилиб беришга ваъда бердим. Тўй ҳақиқатан ҳам файзли бошланди. Одамлар ароқсиз тўйга аста секин кела бошлашди. Уларнинг юз-кўзидан тўйнинг унчалик ҳам кўп давом этмаслиги билиниб турарди. Чунки ҳамма билади, ҳозирги кунда никоҳ базмига тўпланганларнинг аксари Аллоҳ ҳаром қилган нарсани истеъмол қилиш учун келишади. Менга унчалик ҳам фарқи йўқ эди, бир томондан уйга тезроқ қайтишни ўйлаб хурсанд бўлдим.

Тўй тахминан кечки еттиларда бошланган бўлса, бир соатдан сўнг одамларнинг зўр-базўр юраётганликларини пайқадим. Гарчи стол устида кайф берувчи ичимликлар кўринмаса-да, обрўли шахсларга чойнакларда ароқ тарқатилгани сезилиб турарди.

Ичимдан хўрлик ўтди: Наҳотки, яқинда Маккаи Мукаррамага борган ва Аллоҳнинг байтини зиёрат қилиб келган одамнинг ҳурмати шу бўлса. Одамлар ҳам қизиқ, ароқсиз тўй бўлар экан, дейилса, демак, чойнакда тарқатилар экан-да, деган ишонч билан келаверишади. Мабодо чойнакда берилмаса, ўзлари ташкил қилиб юборишади. Бирор бир одам ароқ қўймаётган одам бир нимани биладики, бир нимадан қўрқадики, шу ишни қиляпти, деган ўйга келмайдилар. Хурматсизлик қилиб, ҳожилик мақомини оёқ ости қилиб йўл олаверишади тўйхоналарга. Қизиқ.

Хаёлимни хожи аканинг "Укам, яхшимисиз?" деган мурожаати бузиб юборди. Қарасам, тўй қилаётган акамиз микрофон сўраяптилар. Бердим микрофонни. Одатда ҳозирги тўйларда оталар саҳнага чиқишмайди. Буни яхши билганим боис, хожи аканинг шашт билан микрофонни қўлига олганлиги мени таажжубга солди. Учта ўғилни тарбиялаган отанинг сўзлари нафақат тўйхонага тўпланганларни, балки хизмат қилаётган аёлларни ҳам хайратлантириб юборди: "Авваламбор, ассалому алайкум, ушбу хонадонга тўпланган мехмонлар. Мен учта ўғилни тарбиялаб эл олдига қўйганимни хамма билади. Буларни боқиш, тарбиялаш осон бўлмаган. Лекин мана шунча йиллик оталик хурмати бугун оёқ ости бўлиб турганидан афсусдаман. Мен ўғилларимдан илтимос қилган эдим. Ҳажга бориб келган одам ароқли тўй қилиб берибди, деган гап тарқамаслиги учун ўғилларимдан ваъда олгандим. Аммо бугун вазиятни тушуниб турибман. Шунинг учун ҳам, тўйхонага келганлардан иккинчи овқат тортилмагани учун узр сўрайман, деб менга юзланди ва "Укам, Ёр-ёрни айтинг!" деди. Кўзимда ёш билан тўйнинг сўнгги қўшиғини куйлай бошладим ва Аллоҳдан қўрқиб тўйни тўхтатган инсонга қойил қолмасдан бошқа чора топа олмадим. ... Ушбу воқеани ким қандай тушунса тушунсин. Лекин биз бу билан Аллоҳнинг розиличилиги учун бандаларнинг маломатидан қўрқмайдиган одамлар ҳар қандай кунда ҳам керак эканликларини айтмоқчимиз, холос. Худди шу ҳолатни ўзингизнинг оилангизга қўйиб кўринг ва инсоф юзасидан шуни қила оласизми, йўқми, жавоб топинг. Агар ижобий жавоб топа олмасангиз, Аллоҳдан Амалий даъватларга доҳил бўладиган бандалардан бўлишингизни сўранг.

Муаллиф
islom.uz
Мавзуга оид мақолалар
Бугунги куннинг сўзи... Ўтмиш саҳифаларида сарғайган ҳикоятлар, ривоятлар ва эртаклар баъзиларга эриш туюлиши мумкин. Моддийликка ружъу қўйилган даврдан давоми...

4029 15:41 / 28.04.2017
Ушбу ҳикоят туркиялик бир йигит томонидан айтиб берилган ... Мен уни яхши кўрардим. Истеъдодли, ўз ишига пухта йигит эди. Кам гапирардию, лекин чертибчертиб давоми...

1990 15:42 / 28.04.2017
Аллоҳ таоло марҳамат қилиб айтди .Уларга Таврот ва Инжилда Аллоҳ таолонинг currenзигагина ихлос билан ибодат этишлари амр этилган эди, Баййина сураси, 50оят. Аллоҳ давоми...

1522 15:31 / 28.04.2017
Халифа Муътасим ов чоғида бир шерни кўриб қолди. Яхшилаб қуролланиб, ов қилиб юрган бир одамни кўрдида, ундан Сенда яхшилик бормиrdquo деб сўради. Ҳалиги одам ўзича давоми...

1410 15:08 / 28.04.2017
Топ рейтинг www.uz Openstat