1441 йил 24 рабиъул аввал | 2019 йил 21 ноябрь, пайшанба
Минтақа:
ЎЗ UZ RU EN AR
Уламолар

Имом Абу Ҳанифа раҳимаҳуллоҳнинг заковати

22:25 / 27.04.2017 1855 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Бир киши Имом Абу Ҳанифа раҳимаҳуллоҳнинг олдиларига келди ва у зотга: “Менинг пулларим зое бўлди. Уларни бир жойга кўмиб қўйгандим. Ёмғир ёғиб, сел келиб, пул қўйилган жойни билинмайдиган қилиб қўйибди. Мен ўша жойга белги сифатида бир тошни қўйиб келган эдим. Сел ўша тошни ювиб кетибди. Энди нима қилишни билмаяпман” деди. Имом Абу Ҳанифа раҳимаҳуллоҳ: “Бу масала хусусида сенга нима деб фатво беришим мумкин? Ахир бу менинг ихтисослигимга кирмайди-ку!” дедилар.

Бояги одам илтимос қилишда давом этди. Охири Имом унга: “Бу кеча хуфтонни ўқигандан кейин то бомдод вақти киргунича Роббингнинг ҳузурида таҳажжуд намозини ўқиб қоим бўл. Кейин келиб, нима бўлганини менга айтиб берасан” дедилар.

Эртаси куни бомдод пайтида бояги киши ҳурсанд ҳолда келди ва: “Молимни топдим” деди. Имом Абу Ҳанифа раҳимаҳуллоҳ ундан: “Қандай қилиб?” деб сўрадилар. У: “Намозга энди турганимда, пулларни қаерга кўмганимни, сел қачон келганини, қайси тарафга қараб оққанини эсладим. Шу тарзда селнинг оққан тарафидан масофани ўлчаб, чамалаб, охири пуллар кўмилган жойни топдим. Намозни тезда ўқиб, ўша жойга бориб, кавлаб қарасам, пулларим ўша ерда экан” деди.

Имом Абу Ҳанифа раҳимаҳуллоҳ кулдилар ва “Аллоҳга қасамки, албатта, шайтон тунингни Роббинг билан (Роббингга ибодат қилиб) ўтказишингга, тунни ибодат билан охирига етказишингга қўйиб қўймаслигини билгандим” дедилар.

Бу Имом Абу Ҳанифа раҳимаҳуллоҳнинг заковатларига далолат қилади.

Ҳа, азизлар! Шайтон у одамнинг тун бўйи Аллоҳга ибодат қилиб чиқишини билгач, уни намоздан чалғитишга шошилди ва пулларни қаерга кўмганини эсига солди. Натижада у одам намозни тезда ўқиб, пулларини қидира бошлади ва топди. Шу билан тунини ибодатда ўтказмади.

Аллоҳ таоло бизни шайтоннинг васвасасидан, иғвосидан асрасин! Шайтонни биздан узоқ қилсин! Ўзининг ҳузурига иймон билан боришимизни насиб этсин!


 Интернет маълумотларидан
Нозимжон Ҳошимжон 
таржимаси

 


Муаллиф
islom.uz
Мавзуга оид мақолалар
1. Исм ва насаблари Аллома имом, имомларнинг ягонаси Муҳамммад ибн Аҳмад ибн Муҳаммад ибн Иброҳим алМаҳаллий алШофеъий алМисрий Жалолиддин, муфассир, фақиҳ, калом давоми...

1527 22:19 / 27.04.2017
Молик ибн Анас ибн Молик ибн Абу Омир ибн Амр ибн алҲорис Абу Абдуллоҳ алАсбаҳий алМаданий ndash Дорулҳижратнинг имоми ва фақиҳи ҳисобланади. Молик ибн Анас 93 ҳижрий давоми...

1672 21:57 / 27.04.2017
Оиша розияллоҳу анҳодан ривоят қилинишича, Расулуллоҳ саллаллоҳу алайҳи васаллам у кишига ушбу дуони ўргатганлар Аллоҳим Мен Сендан ҳар турли хайрни, тез давоми...

1502 22:18 / 27.04.2017
Халқаро мусулмонлар Кенгаши котибияти2015 йилнинг 10 март куни шайх Муҳаммад Содиқ Муҳаммад Юсуфнинг юраги уришдан тўхтади. Бу киши ўз даврининг ҳақиқий Олими, давоми...

5715 20:43 / 04.05.2018
Топ рейтинг www.uz Openstat