Бугунги кунда кўпчилик давлатнинг электр-энергиясидан ў“иринча фойдаланишади.
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
САВОЛ – Қадимда халифалар давлат берган шамни давлат ишларига, шахсий шамларини ўз ишларига ёқишган экан. Бугунги кунда кўпчилик давлатнинг электр-энергиясидан ўғиринча фойдаланишади. Уларнинг ҳукми қандай бўлади?
ЖАВОБ –Уйида ўзининг шамини ёқиб, давлатни ишида давлатни шамини ёқган зот бу Умар ибн Абдулазиз бўладилар. Ҳақиқатан у киши адолат юзасидан, парҳезгорлик юзасидан, давлатни ҳаққидан қўрқиш юзасидан зарбулмасал бўлган давлат бошлиқларидан бири ҳисобланади. Энди саволни жавҳарига ўтадиган бўлсак, ҳақиқатан бугунги кунда ҳоҳ электр энергияси бўлсин, ҳоҳ газдан фойдаланиш бўлсин ёки бошқа маиший ҳизматлардан фойдаланиш бўлсин. Унда ўғрилик маъноси, уриб қолиш маъноси кенг тарқалган. Бунда фойдаланувчилар ҳам айбдорлари бор ва шу билан бирга ана шу ҳақларни ундириб олиш учун давлат тарафидан қўйилган кишиларни ҳам ҳиёнати кўзга кўринарлик. Бу савол деярли ҳар куни ўтиришларда, учрашувларда бериб туриладиган савол. Ана ўша вазифадор ҳизматчи келиб уй эгаларига айтар эканки, "сизни ҳисоблагичингиз бўйича электр фалон сўмлик бўлибди ёки газ пистонча сўмлик бўлибди, агар келишсак мен уни ҳаммасини олмасдан ярмини ёки фалон қисмини оламанда сизни ҳисоблагичингиз орқага айлантириб қўяман ва сиз берган пулдан бир қисмини ўзимга, бир қисмини давлатга қиламан" деган маънони айтар экан. Келишилса бу ерда ана шундай ҳиёнат ўзи фойдаланган нарсани нарҳини тўлов бермаслик юзага келар экан. Қизиғи шуки баъзи- бир кишиларни айтганда "йўқ менга ундай келишишни кераги йўқ, нима ёзган бўлса шуни оласан мен ҳаром иш қилмоқчи эмасман" деган одамлар ҳам бор экан. Ана ўшалар шундай муомала қилса, ҳақни ундирувчилар кейин келмай қўяр экан. Чунки бу ерга унинг шахсий манфаати йўқлиги ўз ўрнини кўрсатар экан. Бундай қилмаслик керак модомики ўша нарсадан фойдаланилдими ҳаққини адо қилиш лозим, ҳиёнат қилмаслик керак, тўғрича бўлиши лозим керак нарсадир.
© islom.uz 2003-2024.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
