«ҳалол» белгиси остидаги колбасалар
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
САВОЛ: Ассалому алайкум, Шайх ҳазратлари. Ҳозир кўплаб «ҳалол» белгиси остида колбасалар ишлаб чиқарилмоқда. Хайрулла Ҳамидов ҳам «Андалус» номидаги колбасани тақводорлар ҳам истеъмол қилса бўлаверади, деяпти. Илтимос, менга шуни тақво нуқтаи назаридан ёритиб берсангиз.
ЖАВОБ: Бисмиллаҳир роҳманир роҳийм.
Буни ҳеч ёритадиган жойи йўқ. Агар ўша нарсани тайёрлашда ҳаром нарса аралашмаган бўлса, бўлди. Ҳалол нарсадан тайёрланган нарса ҳалол бўлади-да! Бу ерда номнинг ҳеч дахли йўқ. Бизда ҳасип деган нарса бор. Уни ҳамма ҳалол деб ўйлайди. Чунки, уни одатда фақат ҳалол нарсадан тайёрлаб келинган. Аммо ўша нарсага ҳаром аралашса, у ҳам ҳаром бўлиб қолади. Демак бир нарсанинг ҳалол ёки ҳаром бўлишига унинг асли ва тайёрланиши ҳалол бўлиши керак экан. Колбасани ҳам ҳалол нарсалардан пок қилиб тайёрланса, ҳалол бўлади. Валлоҳу аълам
© islom.uz 2003-2025.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
