1445 йил 20 зулқаъда | 2024 йил 28 май, сешанба
Минтақа:
ЎЗ UZ RU EN
Савол жавоб

Мусибат етган хонадонда дастурхон тузаш шартми?

14:13 / 24.04.2016 3086 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Никоҳ тўйида турмуш қураётган мўмин киши яқинларини чақириб меҳмон қилишлиги ҳақида Пайғамбаримиз соллаллоҳу алайҳи васалламдан саҳиҳ ҳадислар ривоят қилинган. Аммо мусибат етган хонадонда маҳалладагиларни, яқинларни чақириб меҳмон қилиш, дастурхон тузаш суннатда келганми?


ЖАВОБ: Мусибат етиб, бирор яқини вафот этган одам таом улашиш учун маросим қилиши ҳақида никоҳдагига ўхшаш ривоятлар келмаган. Мотам муносабати ила маросим қилиш араб тилида «вазийма» дейилади. Бу маросим фарз ҳам, вожиб ҳам, суннат ҳам эмас. Аксинча, уни қарз олиб қилиш мутлақо мумкин эмас. 

Бу каби маросимларни ўзидан орттириб, кун-ой санамай, кўнгли истаганда, тирикларнинг ризқини қиймай, исрофдан четланган ҳолда, бидъат ва хурофотни аралаштирмай, риёкорликдан қочилгандагина бева-бечора, муҳтожлар ва дуосидан умидвор кишиларга қилса, жоиз. Яна қайтариб айтамиз, бу маросимни қилиш ўзига тўқ ва бой кишилар учундир, ўзи муҳтож бўлиб турганларга эмас.

Динимиздаги таом улашиладиган маросимлар асосан муҳтожларга яхшилик қилиш учун жорий қилинган, одамларни муҳтож ҳолга солиб қўйиш учун эмас. Мўмин-мусулмон киши одамларнинг гапига қараб эмас, шариат ҳукмига қараб амал қилиши керак. Ўтганларни йўқлашнинг энг кучли услуби уларнинг ҳаққига дуо қилишдир. Қарз олиб ош улашиш ўрнига дуо қилиб уларга бағишлаш минг марта афзал. Одамларимиз кўзларини очишлари керак. Билмасалар, билганлардан сўрашлари, савоб иш қиламан деб, гуноҳга бориб қолмасликлари лозим. (Аллоҳ билувчидир).


Муаллиф
islom.uz
Мавзуга оид мақолалар
СаволАср намозининг вақти мазҳабларга қараб ўзгарадими Мен телефонимга .намоз вақтлари, дастурини ўрнатган эдим. У ерда ҳанафий ва шофий мазҳаблари бор экан. давоми...

5211 09:05 / 05.10.2017
Савол Мусофир кишининг Рамазон рўзаси қандай бўлади Шу ҳақида тўлиқ маълумот берсангиз, илтимос. Агар танлаш имкони бўлса, қайси Рамазон рўзаси Аллоҳнинг давоми...

5544 03:10 / 27.05.2017
СаволАссалому алайкум Азиз устозлар, архивдан ёлғиз холда намоз ўқилганда жахрий ёки махфийлик ихтиёрийлигини билдим. Авваллари пешин ва аср намозларини давоми...

8309 09:25 / 06.05.2018
СаволСафардалигимиз туфайли, ахли аёлимиз ва оиламиз Ватанимизда булганлиги сабабли, Рамазон ойида сахарликка туриш, сахарлик килиш имконсиз булиб колади. давоми...

4661 09:05 / 24.05.2018
Аудиолар

122073 11:58 / 10.10.2018
«Ҳилол» журнали
Китоблар

43443 14:35 / 11.08.2021