Нега сочни яшириш керак?
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Соч жинсий майлни қўзғатмайди, нега уни рўмолга яшириш жоиз? Ахир кўз ва ёноқлар очиқ туради-ку, яъни улар шаҳват қўзғатиши мумкин. Нимани тўғри десангиз, шуни ҳақ йўлида Аллоҳ учун қабул қиламиз.
ЖАВОБ: Саволингиздаги «яшириш жоиз» дегани яшириш мумкин, дегани бўлади. Умуман кўпчилик «жоиз» сўзини тўғри ишлата олмайди. Сиз бу ерда «яшириш вожиб» дейишингиз керак эди. Ўшанда «яшириш мажбурий» деган маъно чиқар эди.
Муслима аёллар номаҳрамлардан беркитиши керак бўлган аъзолар жинсий майлга боғлаб қўйилган, деган тушунчага бормаслик керак. Балки нимани беркитиш ёки беркитмаслик кераклиги шариат томонидан белгиланган.
“Нима учун” деган савол берилганда жавобига «шаҳватни қўзғатгани учун» деган уламоларнинг гапи келтирилади. Юзни ҳам шаҳватни қўзғатадиган даражада пардоз ила очиб юришга рухсат йўқ. Балки ҳожат учун очишга рухсат берилган. Пайғамбаримиз алайҳиссаломнинг ўзлари Асма розияллоҳу анҳога буни қўллари билан кўрсатганлар (Аллоҳ билувчидир).
© islom.uz 2003-2025.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
