1442 йил 11 рабиъус сони | 2020 йил 27 ноябрь, жума
Минтақа:
ЎЗ UZ RU EN
Раддия

Ким ва нима учун Бани Қурайза кабиласини жазолади?

20:44 / 22.04.2017 1942 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

18-савол. Муҳаммад савнинг 625 йил Бани Қурайза қабиласини  қатл қилиши Исломнинг шафқатсизлиги, зулмкорлигидан, ҳисобланади. Муҳаммад сав  Мадинада бир кунда 700та яҳудий асирларни қатл қилди. Сизлар яна у улуғ ва унга эргашиш керак дейсизлар? Мана Бен Ладинлар ҳам эргашяпти. Нимага бугун барча террористлар мусулмонлар экан, тушунарли!

18-жавоб. Бу ерда гап урушда сотқинлик қилиш, тўғридан-тўғри жанг майдонида хиёнат қилиш тўғрисида кетяпти. Бани Қурайза яҳудийлари мусулмонлар билан иттифоқдалигига қарамасдан, Мадинани мушриклар қамал қилган пайтда (Хандақ урушида) хиёнат қилиб душман томонга ўтиб кетди. Лекин мусулмонлар сабр билан тура олишди ва мушриклар ортга қайтишди. Ана шундан кейин мусулмонлар Қурайза қабиласига қарши уларни жазолаб қўйиш учун қўшин тортиб бордилар. Жангда мусулмонлар ғалаба козонди ва Бани Қурайза эгаллаб турган жойларини топширишга мажбур бўлди, лекин улар мағлубликларини тан олишда Таврот бўйича жазо қўлланиши ва ўзлари номини атаган киши томонидан ҳукм қилинишини шарт қилдилар. Яъни  пайғамбар сав нинг ўзлари томонидан жазо олишни истамадилар.

Бунга жавобан пайғамбар сав уларга нисбатан катта марҳамат кўрсатдилар ва мусулмонлардан хоҳлаганларини қози сифатида танлашни таклиф қилдилар. Кейин қурайзаликлар собик иттифоқдошлари  Мадинадаги Авс қабиласининг улуғларидан Саъд ибн Муозни ўзларга қозилик қилишини танладилар. Саъд Хандақ урушида қаттиқ ярадор бўлган эди.

Муҳаммад сав яна бир марта уларга ён бериб, Саъд ибн Муоз чиқарган ҳар қандай  ҳукмни амалга оширишни кўпчилик олдида ошкора ваъда қилдилар. Саъд ибн Муозни келтиришни буюрдилар. Унинг аҳволи оғир бўлгани учун замбарда кўтариб келтиришди. Йўлда ҳали ҳукм чиқарилишидан олдин Авсликлар Саъддан собиқ иттифоқдоқдошларига енгилроқ ҳукм чиқаришини сўрашди.

Шундай бўлсада Саъд кутилмаган кескин қарор чиқарди. Мусулмонларга қарши қурол кўтариб жанг қилганларнинг барчасини қатл қилинишига ҳукм чиқарди. Бу жангчилар бир неча юз яҳудийлардан иборат эди. Шуни таъкидлаб айтиш лозимки, ҳукм Таврот асосида чиқарилган эди. (Втор 20:10-15): Қачон шаҳарни ишғол қилиш учун яқин борсанг, унга тинчликни таклиф қил; агар у сен билан тинчликка рози бўлиб дарвозаларни очса, ундаги барча халқ  жизя тўлаб сенга хизмат қилади. Агар у сен билан тинчликка кўнмасдан уруш олиб борса, уни қамал қил, Худо  уни сени қўлинга мағлуб қилиб топширади. Улардан барча эркакларни қиличдан ўтказ, фақат шаҳардаги барча аёллар ва болалар, чорва, барча ўлжани ўзинга ол. Сенга худо топширган душманларингни ўлжаларидан фойдалан. Сендан анча  узоқ анаву  шаҳарлар ва халқлар билан ҳам шундай иш тутгин. 

 Бу ҳукм эълон қилинганидан кейин, Пайғамбар сав: «Энди бу худонинг ўзини ҳукми бўлди», дедилар. Муҳаммад савнинг қозилик қилишларидан бош тортиб яҳудийлар ўзлари танлаб олган Саъд ибн Муоз чиқарган ҳар қандай ҳукмни амалга оширишни ошкора равишда ваъда қилган Муҳаммад сав энди ҳеч нарсани ўзгартира олмас эдилар.

Шундай қилиб, Баний Қурайза қабиласи ўз «маккорликлари» қурбони бўлдилар; Пайғамбар ҳукмидан бош тортиб, ўзларига Таврот бўйича ҳукм қилинишини талаб қилиб, оладиганларини олишди. Шунинг учун бу воқеа «мусулмонларнинг шафқатсизлиги» тўғрисида эмас. Балки оғир жиноят, жанг майдонида хиёнат қилишга, Худонинг  ҳукмини ўзгартириб бўлмаслигига шоҳидлик беради. Шуни айтиш керакки, ҳукм Таврот бўйича чиқарилди, Қуръон бўйича эмас.


Ойдин Ализода



Муаллиф
islom.uz
Мавзуга оид мақолалар
9савол. Биз мусулмон таълимотини нотўғри деб ҳисоблаймиз, чунки у Худо нафақат яхшиликни балки ёвузликни ҳам яратган деб ўргатади. Бизнингча Худо ёвузликни давоми...

2112 20:39 / 22.04.2017
Сақийфда каззоб ва озорчи борАбу Навфал розияллоҳу анҳудан ривоят қилинади.Абдуллоҳ ибн Зубайр розияллоҳу анҳуни Мадинага кетадиган йўлда осилган ҳолида кўрдим. давоми...

1121 16:05 / 11 август
7савол. Суннийлар билан шийъаларда Қуръон матнини қарқи бор бўла туриб унинг ишончли сақланганлигини қандай даъво қиласизлар Ҳаммага маълумки шийъаларда қуръон давоми...

2083 20:38 / 22.04.2017
2савол. Қуръон қандай нозил бўлди ва қандай қилиб бир китобга жамланди Биз бу иш Муҳаммаднинг буйруқларисиз қилинган, деб ўқидик, яъни Қуръонни амалда унинг давоми...

12817 20:34 / 22.04.2017
Видеолар

252 09:58 / 21 ноябрь
Аудиолар

47428 11:58 / 10.10.2018
«Ҳилол» журнали
Топ рейтинг www.uz Openstat