1441 йил 30 жумадул аввал | 2020 йил 25 январь, шанба
Минтақа:
ЎЗ UZ RU EN AR
Рамазон-2016

ОБОД ЮРТИМГА ҲУШ КЕЛИБСАН РАМАЗОН

21:12 / 19.04.2017 1471 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Бутун махлуқоту мавжудотни яратган ва биз бани одамни ўзининг улуғ китоби бўлмиш Қуръони каримида:
"Дарҳақиқат, биз бани одамни (одам болаларини) мукаррам қилиб қўйдик" дея мақтов ила яратган Аллоҳ Таолога ҳамду санолар бўлсин.
Пайғамбарларнинг энг сўнгиси ва уларнинг энг афзали бўлмиш ва сўнги нафасларида ҳам сизу биз умматларни ўйлаб "умматим-умматим" дея жон берган Пайғамбарларимиз Муҳаммад Мустафо соллоллоҳу алайҳи ва салламга салоту саломлар бўлсин.
Сўз бошлар эканман авваломбор сиз юртдошларимни буюк ватанимиз мустақиллигининг 17 йиллиги ва ойлар ичида энг афзали бўлмиш Рамазону шариф ойи билан муборакбот этаман.
Бу ойда жаннат эшиклари очилиб, дўзах эшиклари ёпилади, шайтонлар кишанланади. Осмон эшиклари очилиб, Аллоҳнинг фаришталари ер-юзи бўйлаб тарқалади ва ер юзига Аллоҳнинг раҳмату барокати ёғилади. Бу ойда Аллоҳ Таоло томонидан бизлар учун нажот калити бўлган Қуръони карим нозил қилинди. Бу ойда кечаларнинг энг фазилатлиси бўлган "Қадр" кечаси яширилди.
Ҳар бир ой ва ҳар бир кеча ва кундуз Аллоҳникидир, лекин Аллоҳ Ҳақ субҳанаҳу ва таоло кечаларнинг баъзисини баъзисидан ва ойларнинг баъзисини бошқасидан фазилатли қилиб қўйди. Қадр, Барот ва Меърож кечалари, Ражаб, Сҳаввол ва айниқса Рамазон ойи шулар жумласидандир.
Саҳл ибни Саъид розияллоҳу анҳудан ривоят қилинади. "Пайғамбар соллоллоҳу алайҳи васаллам айтдилар: "Жаннатда саккизта эшик бўлиб, ўша эшиклардан бирининг номи "Райён" дейилади. У эшикдан фақатгина рўзадорлар киради" (Муттафақун алайҳ).
Абу Ҳурайра розияллоҳу анҳудан ривоят қилинади: "Пайғамбар соллоллоҳу алайҳи васаллам айтадилар: "Аллоҳ таоло деди: "Одам боласининг ҳамма амали ўзи учун, фақат рўза Мен учундир ва унинг мукофотини Мен ўзим берурман". Бешволари ривоят қилишган.
Рўзанинг бу каби фазилатли бўлишининг сабаби иккита. Биринчиси: рўза ички амал, Иккинчиси: рўза тутмоқ Аллоҳ таолонинг душмани шайтонга қаҳр қилиш демакдир.
Демак бу ҳадислардан кўриниб турибдики, Рамазони шариф биз учун гуноҳларимизни мағфират қилинишига сабаб бўлиши билан биргаликда, қиёмат кунида даражотимизни юқори бўлишига ҳам сабаб бўларкан.
Сҳундай экан биз бу рўза ойини ғанимат билайлик, эй азизлар.
Биз шуни унутмайликки, даҳрийлик тузмида динимизга чекловлар бўлган, яъни ота-боболаримиз намозларини махфий, писиб қочиб адо этганлар. Розаларини ҳам эмин-еркин тутиша олмаган ва шу даражага боришганки мактабларда болаларни мажбуран рўзасини очтирган. Ҳаттоки Ийд Қурбон ва ҳайит намозларини ўқиш ҳам мутлақо тақиқланган эди.
Аллоҳга беадад ҳамдлар бўлсинки, Мустақил бўлганимиздан кейин динимиз арконларини бемалол адо эта оляпмиз. Юртимизда масжиду-мадрасалар, ислом ўқув юртлари фаолият олиб бораяпти. Мана намозларимизни масжидларда ошкора ҳолда адо этаяпмиз.
Сўзимни ниҳоялар эканман ҳар биримиз мустақиллик қадрига ва шундай тинч диёрда яшаётганимизга ва ибодатларимизни бемалол тўла-тўкис адо эта олаётганимизга шукр қилайлик, зеро, Аллоҳ Субҳанаҳу ва Таоло Қуръони Каримида шундай марҳамат қилган. "Қасамки, агар (берган неъматларимизга) шукр қилсангиз, албатта, (уларни янада) зиёда қилурман. Бордию, ношукрчилик қилсангиз, албатта, азобим (ҳам) жуда қаттиқдир".

Валиев Асадуллоҳ

Муаллиф
islom.uz
Мавзуга оид мақолалар
Нафс қўлига берибон жилов,Ишқ домига тортибон ҳаёл,Обрў талаб интилиб бедор,Охирда топганим бир энлик мато.Худо деб топиндим улуғ зотларга,Эришдим, даҳолик давоми...

1488 21:09 / 19.04.2017
МаккаТушларимга кирган шаҳар, Росул шаҳри, азиз Макка,Дин дарахти унган шаҳар, амин шаҳри, азиз Макка.Сенла банд бўлди хаёлим, фикру ўйим, ёдим, Макка,Сени бир давоми...

1397 21:04 / 19.04.2017
Радиодан хонанданинг дардли ноласи янграмоқдаУзат дейсан, бер дейсан,Ҳеч тўймадинг одамзот.Туя тўйди, фил тўйди,Сен тўймадинг одамзот... бехос ўйга толасан. Умрни давоми...

1543 21:08 / 19.04.2017
Қадр кечаси нима эканлигини сиз қаердан билар эдингиз Қадрrdquo сураси, 2оятmdash Бу кеча ким ухлаб қолмаса Лайлактул Қадрни кўради. У Лайлак кун ботар томондан учиб давоми...

1888 21:07 / 19.04.2017
Топ рейтинг www.uz Openstat