Қозондаги Маржоний масжиди
Қозон марказида жойлашган Маржоний масжиди 1767-1770 йиллар орасида қурилган ва шаҳарнинг энг қадимий тош масжидидир.
Ўтган йили бу ерда кенг кўламли қайта таъмирлаш жараёни якунланиб, масжид янгиланган ҳолда намозхонлар учун эшикларини очди. БРИКС саммити учун масжиднинг тарихига оид музей очилди.
100 квадрат метр майдонда масжиднинг қурилишидан бошлаб, унинг машҳур имомлари ва Россия тарихи, маҳалланинг турмуш тарзи ҳақида маълумот тақдим этилган.
Кўргазма масжид биносининг ер тўласида жойлашган бўлиб, бу унинг 18 аср иккинчи ярмида қурилган қисмидир.
Музей майдонидаги учта залнинг ҳар бирида интерфаол жиҳозлардан фойдаланилади ва масжид тарихидан ҳикоя қилувчи ноёб фотосуратлар ҳамда видеолавҳалар тақдим этилади.
Биринчи залда Маржоний масжидининг қурилишига оид маълумотлар жамланган.
Ушбу масжидда имомлик қилган диншунос олим, тарихчи ва педагог Шаҳобиддин Маржонийнинг ҳаёти ва фаолияти масжид тарихи ва номи билан чамбарчас боғлиқ.
Музейда Маржонийнинг шахсий буюмлари, ўзи ёзган қўлёзмалари, дастхатлари, шажарасидан кўчирмалар, нодир китоблар тақдим этилган.
Бундан ташқари, музейда ислом дини ва унинг урф-одатлари ҳақида умумий маълумотлар тақдим этилган. Мисол учун, салла, чопон, тасбеҳ ва бошқа тарихий обидалар намойиш этилади.
Манба: islam-today.ru
© islom.uz 2003-2026.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
