1446 йил 19 Рамазон | 2025 йил 19 март, чоршанба
Минтақа:
Тошкент
ЎЗ UZ RU EN
Янгиликлар

Шавкат Мирзиёев «Туркий дунёнинг олий ордени» билан тақдирланди

17:19 / 03.11.2023 965 pdf Ўқиш режими + -

Туркий давлатлар ташкилоти Давлатлар раҳбарлари кенгаши йиғилиши доирасида Ўзбекистон Республикаси Президенти Шавкат Мирзиёевга туркий халқлар оиласининг бирлигини мустаҳкамлашга, туркий мамлакатларнинг манфаатлари ва қарашларини халқаро майдонда фаол илгари суришга қўшган улкан ҳиссаси учун юксак мукофот – «Туркий дунёнинг олий ордени»ни тантанали топшириш маросими бўлиб ўтди.


Тадбирда Қозоғистон Республикаси Президенти Қасим-Жомарт Тоқаев, Озарбайжон Республикаси Президенти Илҳом Алиев, Қирғиз Республикаси Президенти Садир Жапаров, Туркия Республикаси Президенти Режеп Таййип Эрдоған, Венгрия Бош вазири Виктор Орбан, Туркман халқининг миллий етакчиси, Туркманистон Халқ Маслаҳати Раиси Гурбангули Бердимуҳамедов иштирок этди.


Ташкилот давлатлари раҳбарлари номидан мукофотни Қозоғистон Президенти топширди.
– Бу мукофотни мен биринчи навбатда чинакам биродарлик ришталари асосида янгидан юксалаётган яқин дўстлигимиз ва ҳамкорлигимиз рамзи, деб биламан, - деди маросимда давлатимиз раҳбари, ҳамкасбларга миннатдорлик билдириб.


Охирги даврда Туркий дунёнинг нуфузи ва салоҳияти ҳар қачонгидан ҳам кўпроқ юксалаётгани алоҳида қайд этилди. Ўзбекистон 2019 йилда ТДТга аъзо бўлиб кирганидан буён мамлакатимиз томонидан туркий мамлакатлар ўртасида дўстлик, яхши қўшничилик ва кўп қиррали ҳамкорликни мустаҳкамлашга қаратилган 50 дан ортиқ таклиф ва ташаббуслар илгари сурилди.


Мамлакатимизнинг ташкилотга раислиги даврда 100 дан зиёд турли тадбирлар ўтказилди, амалий ҳамкорликнинг янги самарали механизмлари яратилди, нуфузли глобал ва минтақавий тузилмалар билан яқин шериклик алоқалари йўлга қўйилди.


Ташкилотга аъзо барча давлатлар билан кўп қиррали ва ўзаро манфаатли алоқалар изчил кенгаймоқда, стратегик шериклик муносабатлари ўрнатилди, савдо ҳажмлари ортмоқда, кооперация кучаймоқда.


– Барчамизнинг орзу ва мақсадларимиз, интилиш ва ҳаракатларимиз уйғун ва ҳамоҳангдир. Азалдан дўст ва қардош бўлган туркий халқларимиз бундан кейин ҳам аҳил ва ҳамжиҳат бўлиб, ёруғ келажакни биргаликда бунёд этадилар, - деди давлатимиз раҳбари.

 

Манба
president.uz
Мавзуга оид мақолалар
Пайғамбаримиз Муҳаммад соллаллоҳу алайҳи васаллам инсонларни илму маърифатга чақирар эканлар, илм излаш ҳар бир муслим ва муслимага фарз эканини буюрадилар. давоми...

2508 14:40 / 15.07.2019
Ўтган куни Саудия Арабистонининг Маккаи мукаррама шаҳрида Вақфrdquo хайрия жамоат фонди фаолияти уламолар, таниқли ватандошлар ва талабаёшлар иштирокида тақдимот давоми...

2158 14:10 / 16.01.2019
Президент Шавкат Мирзиёев 2 сентябрь куни Ислом Каримов номидаги илмиймаърифий ёдгорлик мажмуасига ташриф буюриб, биринчи Президентимизни хотирлаш маросимида давоми...

1572 16:46 / 02.09.2022
2024 йил 25ndash27 сентябрь кунлари Бишкек шаҳрида Қирғизистон мусулмонлари идораси томонидан IV халқаро Қуръон тиловати мусобақаси ўтказилмоқда. Нуфузли мусобақада давоми...

1182 11:49 / 26.09.2024