Қримда араб хаттотлиги курслари бошланади
Қрим Республикаси ва Севастопол шаҳри мусулмонлари маънавий бошқармаси Ислом хаттотлиги санъати бўйича курслар ва маҳорат дарсларига ишга қабул қилиш тўғрисида эълон қилади. Бу ҳақда islam.ru манбаси хабар беради.
Қримдаги биринчи лойиҳанинг дастури араб хаттотлиги, чиройли ёзув санъати тарихи бўйича дарсларни ўз ичига олади. Лойиҳанинг мақсади ва вазифалари Қримда тасвирий санъат турларидан бири - Ислом (араб) хаттотлигини тиклашдир.
Бугунги кунда Қримда 350 дан ортиқ ибодат жойлари мавжуд ва уларнинг сони йил сайин кўпайиб бормоқда. Ёш меъморлар масжидларнинг янги лойиҳаларини таклиф қилмоқдалар. Бу ерда ички безатиш, Қуръони Каримдан деворларга суралар ёзиш, шунингдек ўсимлик нақшларини чизиш ва бўяш ишлари олиб борилмоқда.
Қрим ҳудудида масжидлар ва диний мажмуалар сони йилдан-йилга кўпайиб бораётганлиги сабабли хаттотлик усталарига эҳтиёж сезилмоқда. Ислом хаттотлиги курсларига даъвогарлар учун талаб араб тили ва ёзувини билишдир.
Хуршид Маъруф тайёрлади
© islom.uz 2003-2025.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
